অৱশেষত হাতী কৰিডৰৰ ওপৰত নিৰ্মিত নুমলীগড় শোধানাগাৰ পকী দেৱাল ভাঙিল

In ৰাজ্য

গোলাঘাট, সংবাদ ৩৬৫, ১৩ মাৰ্চ: নুমলীগড় শোধানাগাৰে গোলাঘাট জিলাৰ দেওপাহাৰ সংৰক্ষিত বনাঞ্চলৰ ভূমি দখল কৰি হাতী কৰিডৰৰ ওপৰত নিৰ্মান কৰা পকী দেৱালখন মঙলবাৰে সেউজ ন্যায়াধীকৰণৰ নিৰ্দেশ মৰ্মে ভাঙি পেলোৱা হয়। গোলাঘাট জিলা প্ৰশাসন আৰু বন বিভাগে সেউজ ন্যায়াধীকৰণৰ নিৰ্দেশ মৰ্মে নুমলীগড় শোধানাগাৰে হাতী কৰিডৰ ওপৰত অবৈধ ভাৱে নিৰ্মান কৰা পকী দেৱালখন ভাঙি পুনৰ হাতীৰ বাবে মুকলি কৰি দিয়ে। ২০১৪ চনৰ ২৪ আগষ্টত সেউজ ন্যায়াধীকৰণে গোলাঘাট জিলা প্ৰশাসনক দেওপাহাৰ সংৰক্ষিত বনাঞ্চল বেদখল মুক্ত কৰিবলৈ ৰায় দিছিল আৰু এই ৰায় অনুসৰি গোলাঘাট জিলা প্ৰশাসনে দীৰ্ঘদিন জৰীপ চলাই মঙলবাৰে দেওপাহাৰ সংৰক্ষিত বনাঞ্চল বেদখল মুক্ত কৰাৰ বাবে অভিযান চলায়। গোলাঘাট জিলা প্ৰশাসনে দেওপাহাৰ সংৰক্ষিত বনাঞ্চলৰ প্ৰায় এক হেক্টৰ ভূমি অবৈধ বেদখলকাৰীৰ পৰা মুক্ত কৰে। দেওপাহাৰ সংৰক্ষিত বনাঞ্চল বেদখল মুক্ত অভিযানৰ সময়ত গোলাঘাট জিলাৰ অতিৰিক্ত উপায়ুক্ত, ৰাজহ চক্ৰ বিষয়া আৰু বন বিভাগৰ বিষয়াই নুমলীগড় শোধানাগাৰে হাতী কৰিডৰ ওপৰত অবৈধ ভাৱে নিৰ্মান কৰা পকী দেৱালখন এক্সাভেটৰ লগাই ভাঙি পেলাই। উল্লেখ্য যে, নুমলীগড় শোধানাগাৰে হাতী কৰিডৰ ওপৰত অবৈধ ভাবে পকী দেৱাল নিৰ্মান কৰাত বনাঞ্চলখনত থকা হাতীৰ জাক সমূহৰ স্বাভাৱিক গতিবিধিত বাধাৰ সৃষ্টি হৈছিল। শোধানাগাৰৰ এই অবৈধ দেৱালখনৰ বাবে বিভিন্ন সময়ত হাতীৰ জাক সমূহৰ স্বাভাৱিক গতিবিধিত বাধাৰ সৃষ্টি হোৱাত কাষৰীয়া গাঁও সমূহলৈ গৈ সন্ত্ৰাসৰ সৃষ্টি কৰিছিল। বিভিন্ন সময়ত এই অবৈধ দেৱালখনৰ বাবে বনৰীয়া হাতী মৃত্যুৰ মুখতো পৰিব লগা হৈছিল। নুমলীগড় শোধানাগাৰে নিৰ্মান কৰা এই অবৈধ দেৱালখন ভাঙি পেলাবলৈ বিভিন্ন সময়ত ৰাজ্যৰ প্ৰকৃতি প্ৰেমী লোক সকলেও মাত মাতি আহিছিল।

Comments

comments

You may also read!

বৰাগাঁৱত এখন ব্যতিক্ৰমী বিবাহ সম্পন্ন

গুৱাহাটী, সংবাদ ৩৬৫, ১৮ জুলাইঃ বিবাহ এক সামাজিক বান্ধোন। হোমৰ জুইক সাক্ষী কৰি দৰা-কইনাৰ মিলন হয়। বুধবাৰে দেখিবলৈ পোৱা

Read More...

চৰকাৰৰ বাধাস্বত্বেও গুৱাহাটীত উপস্থিত হ’ল ডাঃ প্ৰবীন ভাই টোগড়ীয়া : মুখত কলাকাপোৰ পৰিধান কৰি উলাই আহিলে টোগড়ীয়া

গুৱাহাটী, সংবাদ ৩৬৫, ১৮ জুলাইঃ চৰকাৰৰ বাধাস্বত্বেও গুৱাহাটীত উপস্থিত হ’ল আন্তঃৰাষ্ট্ৰীয় হিন্দু পৰিষদৰ সভাপতি ডাঃ প্ৰবীন ভাই টোগড়ীয়া ।

Read More...

বাক্সাত সক্ৰিয় মানৱদেহ সৰবৰাহকাৰীঃ গুজৰাটলৈ নি থকা অৱস্থাত ৰঙিয়াত উদ্ধাৰ ছয়গৰাকী যুৱতী

  বাক্সা, সংবাদ ৩৬৫, ১৮ জুলাইঃ বাক্সাত এতিয়াও সক্ৰিয় হৈ আছে মানৱদেহ সৰবৰাহকাৰী ৷ কৰ্ম সংস্থাপন দিয়াৰ প্ৰলোভন দি

Read More...

Mobile Sliding Menu