কাবুললৈ উভতি গ’ল কামৰূপৰ কাবুলিৱালা

In ৰাজ্য

মিৰ্জাৰ পৰা অজয় দাস, সংবাদ ৩৬৫, ১৭ মেঃ কামৰূপ জিলাৰ এজন কাবুলিৱালা বৃহস্পতিবাৰে উভতি গ’ল কাবুললৈ। অসমৰ মিঠা তিতা স্মৃতি বুকুতলৈ, আত্মীয়ৰ ভালপোৱা আৰু পত্নীৰ প্ৰেম এৰি সেমেকা দুচকুলৈ কাবুললৈ উভতি গ’ল কামৰূপৰ কাবুলিৱালা। ১৯৮০ খনত আফগানিস্তানৰ গৃহযুদ্ধৰ সময়ত প্ৰাণৰক্ষাৰ বাবে অসমলৈ আহিছিল শাহজাদ খন নামৰ এজন কাবুলৰ বাসিন্দা। অসমত অবৈধ ভাৱে প্ৰৱেশ কৰা শাহজাদ খানে অসমৰ যুৱতীক বিয়া কৰাই স্থায়ীভাৱে অসমতে বসবাস কৰি আছিল ১৯৮০ চনৰ পৰা। অসম আৰু অসমীয়াৰ প্ৰেমত পৰা এইজন কাবুলিৱালা যিহেতু অবৈধ নাগৰিক আছিল সেইহে ২০১৭ চনত গোৱালপাৰা জিলা প্ৰশাসনে শাহজাদ খানক বিদেশী নাগৰিকৰ গোচৰত প্ৰেৰণ কৰিছিল গোৱালপাৰা জিলা কাৰাগাৰলৈ। ২০১৭ চনৰ পৰা গোৱালপাৰা জিলা কাৰাগাৰৰ ডিটেনচন কেম্পত থাকি যোৱা ৬ মে’ৰ পৰা নিজৰ মুক্তিৰ দাবীত শাহজাদ খানে ডিটেনচন কেম্পৰ ভিতৰত আৰম্ভ কৰিছিল অনশন। শাহজাদ খান অবৈধ ভাৱে অসমত প্ৰৱেশ কৰিছিল যদিও কিছুদিন পূৰ্বে আফগানিস্তান ৰাষ্ট্ৰদূত কাৰ্যালয়ৰ পৰা শাহজাদ খানক অস্থায়ী ভ্ৰমনৰ অনুমতি পত্ৰ প্ৰদান কৰা হৈছিল আৰু এই অনুমতি পত্ৰৰ ম্যাদ আছে ১৯ মে পৰ্যন্ত। অস্থায়ী ভ্ৰমণৰ অনুমতি পত্ৰ লাভ কৰাৰ পিছতো কাৰাগাৰত বন্দী হৈ থাকিব লগীয়া হোৱাত নিজৰ মুক্তিৰ দাবীত আৰম্ভ কৰিছিল অনশন। অনশন ফলত শাহজাদ খান অসুস্থ হৈ পৰাত শাহজাদৰ পত্নীয়ে চৰকাৰক অনুৰোধ জনাইছিল শাহজাদক মুক্তি প্ৰদান কৰি আফগানিস্তানলৈ উভতাই পঠিয়াবলৈ। অৱশেষত বৃহস্পতিবাৰে কাৰাগাৰৰ পৰা মুক্তি লাভ কৰা শাহজাদ খানক আৰক্ষীয়ে বৰঝাৰ বিমানবন্দৰৰ পৰা বিমানযোগে উভতাই পঠায় কাবুললৈ।

Comments

comments

You may also read!

বকোত কণ কণ শিশুয়ে দুহাতেৰে বাঁহে সজা টুকুৰী প্ৰস্তুত কৰি বিদ্যালয়ৰ খৰছ যুগুতোৱাৰ লগতে জীৱিকা নির্বাহৰ পথ উলিয়াইছে

বকো, সংবাদ ৩৬৫, ২৪ ছেপ্টেম্বৰ: কামৰূপ গ্ৰাম্য জিলাৰ বকো সমষ্টিৰ অন্তৰ্গত সোণতলীৰ ৰৌমাৰী গাঁৱৰ পুৰুষ, মহিলা আৰু শিশু ছাত্ৰ

Read More...

শ্ৰীৰামপুৰত তিনিখনকৈ দোকানত চুৰিকাৰ্য্য

গোসাইগাঁও, সংবাদ ৩৬৫, ২৪ ছেপ্তেম্বৰ: কোকৰাঝাৰ জিলাৰ গোসাঁইগাওঁ মহকুমাৰ অন্তৰ্গত শিমুলটাপু আৰক্ষী চকীৰ পৰা প্ৰায় তিনিশ মিটাৰ মান দূৰৈত

Read More...

নাহৰকটীয়াৰ জয়পুৰত ১১কেভি বিদ্যুৎ লাইনৰ ইনচুলেটৰ ফুটি বিদ্যুৎপৃষ্ঠ হৈ দুটাকৈ পহুধনৰ মৃত্যুৰ লগতে তিনিগৰাকীকৈ মহিলা আৰু এজন যুৱকৰ কথমপি প্ৰাণ ৰক্ষা

নাহৰকটীয়া, সংবাদ ৩৬৫, ২৪ ছেপ্টেম্বৰ: নাহৰকটীয়াৰ জয়পুৰ লেবাংকুলা গাওঁত সোমবাৰে লেবাংকুলা এল পি স্কুলৰ সন্মুখতে ১১কেভি বিদ্যুৎ লাইনৰ ইনছুলেটৰ

Read More...

Mobile Sliding Menu