চৰকাৰী চাইকেল বিতৰণৰ নামত শিক্ষাৰ্থীৰ পৰা ধন সংগ্ৰহ প্ৰধান শিক্ষকৰ

In ৰাজ্য

দক্ষিণ শালমাৰা, সংবাদ ৩৬৫, ১৭ ফেব্ৰুৱাৰীঃ কিছুদিন পূৰ্বে দক্ষিণ শালমাৰা মানকাচৰ জিলাৰ একাংশ চৰকাৰী স্কুলত প্ৰধান শিক্ষকে নাম ভৰ্তিৰ সময়ত শিক্ষাৰ্থীৰ পৰা ধন সংগ্ৰহৰ অভিযোগ উত্থাপিত হোৱাৰ পিছত এইবাৰ চৰকাৰী স্কুলত ছাত্ৰীসকলক চৰকাৰী আঁচনিৰ চাইকেল প্ৰদান কৰাৰ নামত ধন সংগ্ৰহ কৰাৰ অভিযোগ উঠিছে। জিলাখনৰ পাটাকাটা জনপ্ৰিয় হাই স্কুলৰ প্ৰধান শিক্ষকজনৰ বিৰুদ্ধে উঠিছে চাইকেল প্ৰদানৰ নামত ধন সংগ্ৰহৰ অভিযোগ। অসম চৰকাৰৰ শিক্ষা বিভাগে ৰাজ্যৰ হাইস্কুলত অধ্যয়নত নৱম শ্ৰেণীৰ ছাত্ৰীসকলক স্কুললৈ যাতায়তৰ বাবে বিনামূলীয়া চাইকেল বিতৰণৰ এক আঁচনি গ্ৰহণ কৰিছে। এই আঁচনিৰ অন্তৰ্গত দক্ষিণ শালমাৰাৰ পাটাকাটা জনপ্ৰিয় হাই স্কুলত অধ্যয়নত শতাধিক ছাত্ৰীৰ নামত বিনামূলীয়া চাইকেল আবন্টন হৈছে। আবন্তিত চাইকেলসমূহ স্কুল কতৃপক্ষই নৱম শ্ৰেণীৰ পৰা দশম শ্ৰেণীলৈ উত্তীৰ্ণ হোৱাৰ ছাত্ৰীসকলক বিতৰণ কৰাৰ ব্যৱস্থা কৰিছে যদিও চাইকেলসমূহ বিতৰণৰ সময়ত স্কুলখনৰ প্ৰধান শিক্ষক আব্দুল কাদেৰ মিয়া প্ৰতিগৰাকী ছাত্ৰীৰ পৰা সংগ্ৰহ কৰিছে ১৫০ কৈ টকা। প্ৰধান শিক্ষকজনে এনেদৰে টকা সংগ্ৰহ কৰাত প্ৰধান শিক্ষক জনৰ বিৰুদ্ধে জাঙুৰ খাই উঠে স্থানীয় লোকসক। বিনামূলীয়া চাইকেল বিতৰণৰ নামত ধন সংগ্ৰহ কৰা প্ৰধান শিক্ষকজনক অতি শীঘ্ৰে গ্ৰেপ্তাৰৰ দাবী জনাই স্থানীয় ৰাইজে অহা সোমবাৰে প্ৰধান শিক্ষক আৰু পৰিচালনা সমিতিৰ বিৰুদ্ধে জিলা উপায়ুক্ত আৰু শিক্ষা মুন্ত্ৰীলৈ এটি অভিযোগ দাখিল কৰিব।

Comments

comments

You may also read!

ৰঙিয়াৰ মাদৈকাটাত ইছলাম ধৰ্মাৱলম্বী লোকসকলৰ অনুষ্ঠান ইস্তেমাৰ প্ৰস্তুতিত সম্প্ৰীতিৰ নিদৰ্শন

ৰঙিয়া, সংবাদ ৩৬৫, ১৮ ডিচেম্বৰ: ইছলাম ধৰ্মাৱলম্বী লোকসকলৰ অনুষ্ঠান ইস্তেমাৰ প্ৰস্তুতিৰ বাবে ৰঙিয়াৰ মাদৈকাটাত জাতি-ধৰ্মৰ ভেদাভেদ নোহোৱাকৈ সম্পূৰ্ণ সহযোগিতা

Read More...

সোনতলীত কামৰূপ আৰক্ষীৰ গাঞ্জাৰ বিৰুদ্ধে বৃহৎ অভিযান: অভিযানত জব্দ প্ৰায় কেইবা কেজি গাঞ্জা

বকো, সংবাদ ৩৬৫, ১৮ ডিচেম্বৰ: বকোৰ সোনতলীত মঙ্গলবাৰে কামৰূপ আৰক্ষীয়ে গাঞ্জাৰ বিৰুদ্ধে এক অভিযান চলায়। কামৰূপ জিলাৰ অতিৰিক্ত আৰক্ষী

Read More...

আজাৰা কাহিকুছিস্থিত কৃষি বিজ্ঞান কেন্দ্ৰত দুদিনীয়াকৈ ৰাজ্যিক ভিত্তিত কৃষক মেলা

আজাৰা, সংবাদ ৩৬৫, ১৭ ডিচেম্বৰ: মানুহ জীয়াই থাকিবলৈ হ'লে সু স্বাস্থ্যৰ অধিকাৰী হ'ব বিচাৰিলে কৃষি ব্যৱস্থা মজবুত কৰা খুবেই

Read More...

Mobile Sliding Menu