তিৱা কথাছবি ‘প্লাছাৰ’ দৃশ্যগ্ৰহন সম্পন্ন

In বিনোদন

জাগীৰোড, সংবাদ ৩৬৫, ২১ ফেব্ৰুৱাৰীঃ তিৱা জনগোষ্ঠীৰ সামাজিক জীৱনৰ বিভিন্ন প্ৰতিচ্ছবি দাঙি ধৰিবলৈ চেষ্টা কৰা তিৱা কথাছবি ‘প্লাছাৰ’ দৃশ্যগ্ৰহন সম্পন্ন হৈছে। ছবিখনত তিৱা জনগোষ্ঠীৰ সামাজিক জীৱনৰ বিভিন্ন প্ৰতিচ্ছবি দাঙি ধৰাৰ লগতে অন্ধবিশ্বাসক প্ৰাধান্য দিয়া হৈছে। ‘প্লাছাৰ’ শব্দৰ অৰ্থ হৈছে পোহৰ আৰু ছবিখনত সমাজত থকা অন্ধবিশ্বাস কিদৰে আঁতৰাই পোহৰৰ দিশত আগুৱাই যাব পাৰি তাকে দেখুৱাবলৈ চেষ্টা কৰা হৈছে। ৰুংচু খুংগুৰি তিৱা ফিল্ম চছাইটিৰ বেনাৰত নিৰ্মান কৰা ছবিখনৰ পৰিচালনা কৰিছে তুলসী মান্তা আৰু নিউটন মাছলাইয়ে। সম্পূৰ্ণ গাঁৱলীয়া আৰু মনোমোহা পাহাৰীয়া পৰিবেশৰ মাজত দৃশ্যগ্ৰহন কৰা ছবিখনত তিৱা জনগোষ্ঠীৰ কৃষ্টি সংস্কৃতিক প্ৰাধান্য দিয়াৰ লগতে দৰ্শকক আমোদ দিব পৰাকৈ বিভিন্ন ধৰণৰ দৃশ্য সংযোজন কৰা হৈছে। ছবিখনত মুখ্য ভূমিকাত অভিনয় কৰিছে ক্ৰমে চাহিট পুমা, মিনালী পুমা, ফুলচন খলাৰ, ইনুচ খ্যামডিদ, সুৰেন্দ্ৰ মাদাৰ, বাবুল পুমা, টুইল খলাৰ, বিবিচিং মাছলাই আৰু নাৰায়ণ মিতি। ছবিখনত দিলৰাজ ডেকাৰ সঙ্গীতত কণ্ঠদান কৰিছে লিটুচিং মাছলাই আৰু মনালীয়ে। নিউটন মাছলাইৰ কাহিনী আৰু চিত্ৰনাট্যৰে নিৰ্মিত ছবিখনত ৰূপসজ্জা আৰু সাজসজ্জা কৰিছে চুমি আৰু লিটুচিং। ছবিখনৰ চিত্ৰগ্ৰহণ, সম্পাদনা আৰু একচন তুলসী মান্তাৰ। সম্পাদন কক্ষত থকা এই তিৱা ভাষাৰ ছবিখনত থাকিব অসমীয়া চাব টাইটেল।

Comments

comments

You may also read!

এন পি পিৰ বিধায়ক তথা সাংসদ প্ৰাৰ্থীসহ ১১জনক গুলীয়াই হত্যা এন এছ চি এনৰ

গুৱাহাটী, সংবাদ ৩৬৫, ২১ মে' : অৰুণাচল প্ৰদেশৰ টিৰাপত নগা উগ্ৰপন্থী সংগঠন এন এছ চি এনৰ গুলীয়াগুলী। টিৰাপ জিলাৰ

Read More...

ঈদুল-ফিতৰৰ বাবে ৪ জুনৰ পৰা ৬ জুনলৈকে এন আৰ চিৰ আপত্তি, শুনানীৰ কাম বন্ধ ৰাখিবলৈ এন আৰ চি কৰ্তৃপক্ষৰ ওচৰত আবেদন একাংশ সচেতন নাগৰিকৰ

গুৱাহাটী, সংবাদ ৩৬৫, ২১ মে' : এন আৰ চিৰ প্ৰক্ৰিয়াত ভুৱা আপত্তি তথা আপত্তি প্ৰক্ৰিয়াৰ অপব্যৱহাৰৰ প্ৰসংগকলৈ সচেতন মহল

Read More...

বাৰেৰহনীয়া নৃত্য-গীত, আলোচনা চক্ৰৰে শ্ৰী শ্ৰী বদলা পদ্ম আতা পুৰুষৰ ৪৭৩ তম জন্ম জয়ন্তী উদযাপনৰ প্ৰস্তুতি

গুৱাহাটী, সংবাদ ৩৬৫, ২১ মে' : শ্ৰী শ্ৰী বদলা পদ্ম আতা পুৰুষৰ ৪৭৩ তম জন্ম জয়ন্তী শ্ৰীমন্ত শংকৰদেৱ কলাক্ষেত্ৰ

Read More...

Mobile Sliding Menu