নকল সোণসহ আটক এজন

In ৰাজ্য

নগাঁৱৰ পৰা পিংকি শইকীয়া, সংবাদ ৩৬৫, ১৩ মাৰ্চ: নগাঁও চহৰত হয়বৰগাঁও আৰক্ষীয়ে মঙলবাৰে অভিযান চলাই নকল সোণ বিক্ৰী কৰা এজন ব্যক্তিক আটক কৰিবলৈ সক্ষম হয়। নগাঁও জিলাৰ ৰূপহীৰ আতাবুৰ ৰহমান নামৰ নকল সোণ ব্যৱসায়ীজন আৰক্ষীয়ে আটক কৰাৰ লগতে ব্যৱসায়ীজনৰ পৰা প্ৰায় আধা কেজি ওজনৰ এখন নকল সোণৰ নাও উদ্ধাৰ কৰে। জানিবলৈ পোৱা মতে, আতাবুৰ ৰহমানে নকল সোণৰ নাওখন আচল সোণৰ বুলি বিক্ৰী কৰাৰ চেষ্টা কৰোতে আৰক্ষীৰ হাতত ধৰা পৰে। ইতিমধ্যে আৰক্ষীয়ে আতাবুৰক গ্ৰেপ্তাৰ কৰি অধিক তথ্যৰ বাবে জেৰা চলাই আছে। উল্লেখ্য যে, জিলাখনৰ ৰূপহী, জুৰীয়াকে ধৰো বিভিন্ন অঞ্চলত এই অসাধু চক্ৰই সাধাৰণ লোকক জালত পেলাই প্ৰকৃত সোণৰ নামত নকল সোন বিক্ৰী কৰি আহিছে। বিশেষকৈ নগাঁৱৰ হয়বৰগাঁও আৰক্ষী চকীৰ অধীনতে এই অসাধু চক্ৰ টোৱে এই নকল সোণৰ ৰমৰমীয়া বেহা চলাই অহাৰ অভিযোগ বহু আগৰে পৰা উত্থাপিত হৈ আছে। নকল সোণ বিক্ৰী কৰিবলৈ আহি আটক হোৱা আতাবুৰক যদি আৰক্ষীয়ে সঠিক ভাবে জেৰা কৰে তেন্তে নকল সোণৰ ব্যৱসায় চলাই অহা চক্ৰটো আৰক্ষীৰ জালত পৰাটো এশ শতাংশ নিশ্চিত বুলি স্থানীয় ৰাইজে মন্তব্য প্ৰকাশ কৰে।

Comments

comments

You may also read!

গ্ৰেটাৰ গুৱাহাটী বেবী লীগ আকৰ্ষণীয় ৰূপত খিতাপৰ যুঁজ: শ্বহীদলৈ শ্ৰদ্ধাঞ্জলি

গুৱাহাটী, সংবাদ ৩৬৫, ১৭ ফেব্ৰুৱাৰী: স্প’ৰ্টছক্ৰাফ্‌ট মেনেজমেণ্টৰ উদ্যোগত আৰু গুৱাহাটী চিটী এফ চিৰ সহযোগত মহানগৰীৰ নেহৰু ষ্টেডিয়ামত চলি থকা

Read More...

৩১নং ৰাষ্ট্ৰীয় ঘাইপথত ডাউ ডাউকৈ জ্বলিল মালবাহী ট্ৰাক

বাইহাটা চাৰিআলিৰ পৰা বাইহাটা চাৰিআলিৰ পৰা নীলমণি দাস, সংবাদ৩৬৫, ১৭ফেব্ৰুৱাৰী: বাইহাটাৰ কেন্দুকোনাত ভয়ঙ্কৰ পথ দুৰ্ঘটনা সংঘটিত হয়। ৩১ নং

Read More...

সন্ত্ৰাসবাদীৰ আক্ৰমনত বীৰ শ্বহীদ সকলৰ আত্মাৰ শান্তি কামনাৰে জনীয়াত সামূহিক দোৱা-প্ৰাৰ্থনা

জনীয়া, সংবাদ ৩৬৫, ১৭ ফেব্ৰুৱাৰী: যোৱা ১৪ ফেব্ৰুৱাৰীত জম্মু কাশ্মীৰত দুৰ্ধৰ্ষ সন্ত্ৰাসবাদীৰ আক্ৰমণত প্ৰাণ দিয়া দেশৰ ৪৪ জনকৈ বীৰ

Read More...

Mobile Sliding Menu