নলবাৰীত ইফতাৰ গ্ৰহণ কৰি খাদ্যত বিষক্ৰিয়া হৈ কেইবাজনো লোক চিকিৎসাধীন

In ৰাজ্য

নলবাৰী, সংবাদ ৩৬৫, ১২ জুনঃ নলবাৰী জিলাৰ জানিগোগত সোমবাৰে ইফতাৰ কৰাৰ পিছত খাদ্যত বিষক্ৰিয়া হৈ জানিগোগ চুৱৰীৰ ৪৫ গৰাকীতকৈও অধিক লোক অসুস্থ হৈ চিকিৎসাধীন হ’ব লগীয়া হয়। অসুস্থ লোক সকলৰ ভিতৰত অধিকাংশ লোক শৌচ আৰু বমিত আক্ৰান্ত হোৱাত লোক সকলক নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত ভৰ্তি কৰোৱা হয়। উল্লেখ্য যে আক্ৰান্ত লোক সকলৰ ভিতৰত দুগৰাকী শিশু গুৰুত্বৰভাৱে অসুস্থ হোৱাত শিশু দুগৰাকীক উন্নত চিকিৎসাৰ বাবে গুৱাহাটী মেডিকেল কলেজ হাস্পাতালত স্থানান্তৰ কৰা হৈছে গুৰুত্বৰভাৱে আক্ৰান্ত আব্দুল ৰহমান আৰু আচলাম আলীক উন্নত চিকিৎসাৰ বাবে গুৱাহাটী মেডিকেল কলেজ হাস্পাতালত স্থানাতৰ কৰাৰ বিপৰীতে আক্ৰান্ত লোক সকলৰ ভিতৰত মৌচুমী বেগম, মোস্তাক আহমেদ, চালমা বেগম, মাকন বেগম, ৰুমা আহমেদ আৰু ৰেহেনা বিবিৰ অৱস্থাও গুৰুত্বৰ বুলি জানিব পৰা গৈছে। আনহাতে আক্ৰান্ত একাংশ লোকক নলবাৰী চহৰৰ অন্যান্য ব্যক্তিগত চিকিৎসালয়ত ভৰ্তি কৰোৱা হৈছে। খাদ্যত বিষক্ৰিয়া হৈ কেইবাজনো লোক আক্ৰান্ত হৈ চিকিৎসাধীন হোৱাৰ পিছতো নলবাৰী জিলা খাদ্য আৰু যোগান বিভাগে এই ক্ষেত্ৰত কোনো ধৰণৰ তদন্তৰ ব্যৱস্থা নকৰাত ৰাইজৰ মাজত প্ৰতিক্ৰিয়াৰ সৃষ্টি হৈছে।

Comments

comments

You may also read!

আজি কাতি বিহু: ৰাজ্যজুৰি পালন কৰা হ’ল কাতি বিহু

অভয়াপুৰী, সংবাদ ৩৬৫, ১৮ অক্টোবৰ: "তুলসীৰ তলে তলে মৃগ পহু চৰে, তাকে দেখি ৰাম চন্দ্ৰই হৰ ধনু মাৰে"। আজি

Read More...

অসমৰ ক্ৰীয়া জগতৰ বাবে পুনৰ এক সুখবৰ: মিষ্টাৰ প্ৰতিযোগিতাত অংশগ্ৰহন কৰিবলৈ ইউৰোপলৈ ৰাওনা অসম সন্তান গোলাপ ৰাভা

বকো, সংবাদ ৩৬৫, ১৮ অক্টোবৰ: স্বৰ্ণকন্যা হিমা দাসৰ পিছতেই পুনৰ এক সুখবৰ কঢ়িয়াই আনিছে দক্ষিণ কামৰূপৰ বকোৰ গোলাপ ৰাভাই।

Read More...

বাক্সাৰ নাওকাটাত ভয়ংকৰ পথ দুৰ্ঘটনা: নিহত ২, আহত ২

বাক্সা, সংবাদ ৩৬৫, ১৮ অক্টোবৰ: শাৰদীয় দুৰ্গোৎসৱৰ উখল মাখল পৰিৱেশৰ মাজতেই বাক্সা জিলাৰ নাওকাটাৰ জলঠেঙপাৰ চকত এক ভয়াৱহ পথ

Read More...

Mobile Sliding Menu