পত্নীক শাৰীৰিক নিৰ্যাতন চলোৱাৰ অপৰাধত স্বামীক ৰাইজৰ উত্তম মাধ্যম

In ৰাজ্য

বঙাইগাঁৱৰ পৰা কিশোৰ দাস, সংবাদ ৩৬৫, ১৫ মেঃ বঙাইগাঁও জিলাৰ উত্তৰ শালমাৰা মহকুমাৰ সৃজনগ্ৰাম গাঁও পঞ্চায়তৰ অন্তৰ্গত বৰঘোলা চিল্লাপাৰা দ্বিতীয় খণ্ডত মঙলবাৰে কাৰ্তিক চন্দ্ৰ মণ্ডল নামৰ এজন লোকক ৰাইজে পত্নীক শাৰীৰিক নিৰ্যাতন চলোৱাৰ অপৰাধত উত্তম মাধ্যম দি আৰক্ষীক গতাই দিয়ে। জানিব পৰা মতে বঙাইগাঁও জিলাৰ বৰঘোলা আৰক্ষী চকীৰ অন্তৰ্গত বৰঘোলা চিল্লাপাৰা দ্বিতীয় খণ্ডৰ কাৰ্তিকচন্দ্ৰ মণ্ডলে পত্নী মনোমতী মণ্ডলক দীৰ্ঘদিন ধৰি যৌতুকৰ দাবীত শাৰীৰিক ভাবে নিৰ্যাতন চলাই আহিছিল। মঙলবাৰে পুৱাৰ ভাগত কাৰ্তিকে পত্নীক যৌতুকৰ দাবীত শাৰীৰিক নিৰ্যাতন চলোৱাৰ লগতে নিমখ মিহলোৱা গৰম পানী গাত ঢালি দি অত্যাচাৰত চলায়। প্ৰানৰ মমতাত মনোমতীয়ে চিঞৰ বাখৰ কৰাত স্থানীয় ৰাইজ কাৰ্তিকৰ গৃহত উপস্থিত হৈ নিৰ্যাতিতা মনোমতীক উদ্ধাৰ কৰি কাৰ্তিকক উত্তম মাধ্যম দি আৱদ্ধ কৰি ৰাখে। স্থানীয় ৰাইজে ঘটনা সন্দৰ্ভত বৰঘোলা আৰক্ষী চকীত অবগত কৰাত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰি মনোমতীৰ অভিযোগ মৰ্মে কাৰ্তিক চন্দ্ৰ মণ্ডল, কাৰ্তিকৰ মাতৃ ইতিবালা মণ্ডল আৰু কাৰ্তিকৰ পিতৃ অমূল্য মণ্ডলক আৰক্ষী চকীলৈ লৈ যায়। স্থানীয় ৰাইজে জানিবলৈ দিয়া মতে কাৰ্তিকে মাক বাপেকৰ প্ৰৰোচনাত যৌতুকৰ দাবী কৰি দীৰ্ঘদিন ধৰি মনোমতীক নিৰ্যাতন চলাই আহিছিল।

Comments

comments

You may also read!

বকলীয়াঘাটত চোৰাং চেগুনৰ কুণ্ডা জব্দ: গ্ৰেপ্তাৰ চোৰাং কাঠ ব্যৱসায়ী

কাৰ্বি আংলং, সংবাদ ৩৬৫, ১৮ আগষ্ট: কাৰ্বি আংলং জিলাৰ বন বিভাগৰ অন্তৰ্গত বকলীয়াঘাটস্থিত নৰ্দাৰ্ণ ৰেঞ্জ কাৰ্যালয়ৰ বনকৰ্মীৰ এটা দলে

Read More...

চেম্পিয়নছ্ মেকাৰ একাডেমীৰ বৰ্ষপূৰ্তি সম্পন্ন

বিশ্বনাথ চাৰিআলি, সংবাদ ৩৬৫, ১৮ আগষ্ট: বিশ্বনাথৰ কোছঁগাঁওত অবস্থিত চেম্পিয়নছ মেকাৰ একাডেমীয়ে যোৱা ১৬ আগষ্টত এবছৰ সম্পুৰ্ণ কৰে ৷

Read More...

চৰাইদেউ জিলাৰ সোণাৰিত ৰাষ্ট্ৰীয় পতাকাক চৰম অপমান কংগ্ৰেছৰ

চৰাইদেউ, সংবাদ ৩৬৫, ১৮ আগষ্ট: চৰাইদেউজিলাৰ সোণিৰিস্থিত কংগ্ৰেছৰ চৰাইদেউ জিলাৰ কাৰ্যালয়ত ৰাষ্ট্ৰীয় পতাকাক চৰম অপমান। প্ৰাক্তন প্ৰধান মন্ত্ৰী তথা

Read More...

Mobile Sliding Menu