যোৰহাটত অন্ধ বিদ্যালয়ৰ ছাত্ৰ ছাত্ৰীৰ প্ৰতিবাদ

In ৰাজ্য

যোৰহাটৰ পৰা জুতিকা মহন্ত,সংবাদ ৩৬৫, ১৬ ফেব্ৰুৱাৰীঃ  শুক্ৰবাৰে যোৰহাট জিলাত অন্ধ বিদ্যালয়ৰ ছাত্ৰ ছাত্ৰীসকলে যোৰহাট জিলা উপায়ুক্ত কাৰ্যালয়ৰ সন্মুখত এক প্ৰতিবাদী কাৰ্যসূচী ৰূপায়ন কৰে। উল্লেখ্য যে, বিদ্যালয়খনত নৱম আৰু দশম শ্ৰেণীৰ অংক আৰু বিজ্ঞানৰ শিক্ষক নথকা সন্দৰ্ভত ছাত্ৰ ছাত্ৰীসকলে বিদ্যালয়ৰ অধ্যক্ষক অৱগত কৰিছিল যদিও অধ্যক্ষগৰাকীয়ে এই সন্দৰ্ভত কোনো গুৰুত্ব প্ৰদান নকৰাত শিক্ষাৰ্থীসকল ক্ষোভিত হৈ শুক্ৰবাৰে এক প্ৰতিবাদী কার্যসূচী গ্ৰহণ কৰে। বিদ্যালয়ৰ কেইগৰাকীমান শিক্ষকৰ সহযোগত অধ্যক্ষ সংগীতা বৰঠাকুৰে ছাত্ৰ ছাত্ৰীসকলক লৈ জিলা উপায়ুক্তক লগ ধৰি অংক আৰু বিজ্ঞানৰ শিক্ষক দিবলৈ অনুৰোধ কৰিবলৈ আহিছিল আৰু শিক্ষয়িত্ৰী কেইগৰাকীৰ লগতে অধ্যক্ষাগৰাকীয়ে ছাত্ৰ ছাত্ৰীসকলক উপায়ুক্তৰ কাৰ্যালয়ৰ বাহিৰতে এৰি গুচি যোৱাত ছাত্ৰ ছাত্ৰীসকলে ক্ষোভিত হৈ পৰে। ছাত্ৰ ছাত্ৰীসকলে লগতে অভিযোগ কৰে যে অধ্যক্ষ গৰাকীয়ে ছাত্ৰ ছাত্রীসকলক টিউচন লবলৈ নিদিয়ে। আনহাতে, শুক্ৰবাৰৰ পৰা আৰম্ভ হোৱা হাইস্কুল শিক্ষান্ত পৰীক্ষাৰ ছাত্ৰ ছাত্ৰীকো মাত্ৰ তিনি দিনৰ আগতে ৰুটিন দিয়া হৈছিল বুলিও একাংশ ছাত্ৰ ছাত্ৰীয়ে মন্তব্য কৰে। অন্ধ বিদ্যালয়ৰ ছাত্ৰ ছাত্ৰীসকলে এই ক্ষেত্ৰত উচিত পদক্ষেপ গ্ৰহণ নকৰা পৰ্যন্ত জিলা উপায়ুক্তৰ কাৰ্যালয়ৰ পৰা উভতি যাবলৈ অমান্তি হোৱাত প্ৰশাসনৰ লোক আহি ছাত্ৰ ছাত্ৰীসকলক বিদ্যালয়ত লৈ যায়।

Comments

comments

You may also read!

ৰঙিয়াৰ মাদৈকাটাত ইছলাম ধৰ্মাৱলম্বী লোকসকলৰ অনুষ্ঠান ইস্তেমাৰ প্ৰস্তুতিত সম্প্ৰীতিৰ নিদৰ্শন

ৰঙিয়া, সংবাদ ৩৬৫, ১৮ ডিচেম্বৰ: ইছলাম ধৰ্মাৱলম্বী লোকসকলৰ অনুষ্ঠান ইস্তেমাৰ প্ৰস্তুতিৰ বাবে ৰঙিয়াৰ মাদৈকাটাত জাতি-ধৰ্মৰ ভেদাভেদ নোহোৱাকৈ সম্পূৰ্ণ সহযোগিতা

Read More...

সোনতলীত কামৰূপ আৰক্ষীৰ গাঞ্জাৰ বিৰুদ্ধে বৃহৎ অভিযান: অভিযানত জব্দ প্ৰায় কেইবা কেজি গাঞ্জা

বকো, সংবাদ ৩৬৫, ১৮ ডিচেম্বৰ: বকোৰ সোনতলীত মঙ্গলবাৰে কামৰূপ আৰক্ষীয়ে গাঞ্জাৰ বিৰুদ্ধে এক অভিযান চলায়। কামৰূপ জিলাৰ অতিৰিক্ত আৰক্ষী

Read More...

আজাৰা কাহিকুছিস্থিত কৃষি বিজ্ঞান কেন্দ্ৰত দুদিনীয়াকৈ ৰাজ্যিক ভিত্তিত কৃষক মেলা

আজাৰা, সংবাদ ৩৬৫, ১৭ ডিচেম্বৰ: মানুহ জীয়াই থাকিবলৈ হ'লে সু স্বাস্থ্যৰ অধিকাৰী হ'ব বিচাৰিলে কৃষি ব্যৱস্থা মজবুত কৰা খুবেই

Read More...

Mobile Sliding Menu