শুক্ৰবাৰে আহিব আলিফা

In বিনোদন

গুৱাহাটী, সংবাদ ৩৬৫, ৫ এপ্ৰিলঃ শুক্ৰবাৰে ছবি গৃহলৈ আহিব ৬৪তম ৰাষ্ট্ৰীয় ৰজত কমল বটা প্ৰাপ্ত কথাছবি আলিফা। ইতিমধ্যে যোৱা ৩০ মাৰ্চত পশ্চিম বংগত মুক্তি লাভ কৰা ছবিখনে শুক্ৰবাৰে অসমৰ ছবিঘৰলৈ আহিব। অসমৰ চৰ চাপৰি তথা গৰাখহনীয়াগ্ৰস্ত পৰিয়ালৰ কাহিনীৰ আধাৰত নিৰ্মিত দ্বীপ চৌধুৰী পৰিচালনা, আৰমান আলীৰ প্ৰযোজিত ছবিখনত বৰপেটাৰ সন্তান পাকিজা হাছমীয়ে আলিফাৰ মুখ্যচৰিত্ৰত অভিনয় কৰাৰ লগতে ছবিখনত অভিনয় কৰিছে প্ৰখ্যাত নাট্যকাৰ তথা অভিনেতা বাহাৰুল ইছলাম, পশ্চিম বংগৰ আগশাৰীৰ অভিনেত্ৰী জয়াশীল ঘোষ, জ্যেষ্ঠ অভিনেতা ভিক্টৰ বেনাৰ্জী, প্রাচুন গয়েন, বলিউডৰ বিভিন্ন ছবিত অভিনয় কৰা সত্য ৰঞ্জন, মাহমুদা বেগম আৰু বৰপেটাৰ আন এক সন্তান নাট্যকাৰ লিয়াকত আলী। ছবিখনৰ প্ৰিমীয়াৰ উপভোগ কৰি এই সম্পৰ্কে বিশিষ্ট বুদ্ধিজীৱি ড° হীৰেণ গোহাঁয়ে মন্তব্য প্ৰকাশ কৰিছিল যে বহু দিনৰ মূৰত এখন ভাল ছবি উপভোগ কৰা বুলি, অসমীয়া দৰ্শকেও তথাকথিত শ্ৰমজীৱী মিঞা জীৱনৰ লগত একাত্মহৈ উপলব্ধি কৰিব তেওঁলোকৰ অন্তৰৰ মানৱীয় সত্তা। ছবিখনত প্ৰতিজন অভিনেতাৰ অভিনয় অনবদ্য। বিশেষ কৈ বাহাৰুল ইছলাম, জয়া শীল আৰু পাকিজাৰ অভিনয় অসামান্য। ছবিখনৰ সম্পৰ্কে বৰপেটাৰ যুৱ লেখক তথা সমালোচক আশ্ৰাফুল হুছেইনে কয় যে অাহাৰ, নিদ্ৰা, মৈথুন মানুহৰ জৈৱিক প্ৰয়োজন। তাৰ বাবে সংগ্ৰাম কৰিবলগীয়া মানুহৰ দেশ কি বিদেশ কি? ‘আলিফা’ তাৰেই প্ৰতিফলন। আলিফাত গৰাখহনীয়াত মাটি ভেটি হেৰুৱাই পেটে ভাতে জীয়াই থকাৰ তাড়নাত গুৱাহাটীলৈ কাম বিচাৰি অহা চৰম দৰিদ্ৰতাৰ সতে আৰম্ভ হয় কঠোৰ জীৱন যুজঁত ব্ৰতী এটি পৰিয়াল আৰু সামগ্ৰিক ভাবে এটি সমাজৰ কাহিনী প্ৰতিফলিত হৈছে। বঞ্চিত মানুহৰ জীৱনৰ মূৰ্ত প্ৰকাশ আৰু সুস্থ মানৱীয় প্ৰমূল্যৰ এক জীৱন্ত ৰূপ বুলিও হুছেইনে প্ৰকাশ কৰে।

Comments

comments

You may also read!

উত্তৰ অভায়াপুৰীৰ ভাণ্ডাৰাত ভূলুণ্ঠিত মানৱতা: এহাল গৰুৰ বাবে পিতৃক হত্যাৰ চেষ্টা চলালে তিনি পাষণ্ড পুত্ৰই

অভায়াপুৰী, সংবাদ ৩৬৫, ১৯ আগষ্ট: বঙাইগাঁও জিলাৰ মাণিকপুৰ আৰক্ষী থানাৰ অধীনস্থ তথা ঘেৰুকাবাৰী আৰক্ষী চকীৰ অন্তৰ্গত ৩নং ভাণ্ডাৰা গাৱত

Read More...

বকলীয়াঘাটত চোৰাং চেগুনৰ কুণ্ডা জব্দ: গ্ৰেপ্তাৰ চোৰাং কাঠ ব্যৱসায়ী

কাৰ্বি আংলং, সংবাদ ৩৬৫, ১৮ আগষ্ট: কাৰ্বি আংলং জিলাৰ বন বিভাগৰ অন্তৰ্গত বকলীয়াঘাটস্থিত নৰ্দাৰ্ণ ৰেঞ্জ কাৰ্যালয়ৰ বনকৰ্মীৰ এটা দলে

Read More...

চেম্পিয়নছ্ মেকাৰ একাডেমীৰ বৰ্ষপূৰ্তি সম্পন্ন

বিশ্বনাথ চাৰিআলি, সংবাদ ৩৬৫, ১৮ আগষ্ট: বিশ্বনাথৰ কোছঁগাঁওত অবস্থিত চেম্পিয়নছ মেকাৰ একাডেমীয়ে যোৱা ১৬ আগষ্টত এবছৰ সম্পুৰ্ণ কৰে ৷

Read More...

Mobile Sliding Menu