সোণতলীৰ মোবাইল বিপনীত চুৰি

In ৰাজ্য

মোবাইল, লেপটপ, নগদ ধনসহ তিনি লক্ষাধিক টকাৰ সামগ্ৰী চুৰি

সোণতলী, ১৬ এপ্ৰিলঃ সোণতলী আৰক্ষী চকীৰ অন্তৰ্গত মাহতলী বজাৰস্থিত মা ইনফ’কম নামৰ মোবাইল বিপনীত সংঘটিত চুৰিৰ সন্দেহত আজি আৰক্ষীয়ে দুজন ব্যক্তিক সোধ-পোছৰ কাৰণে আটক কৰে৷ মাহতলীস্থিত মা ইনফ’কম নামৰ মোবাইল বিপনীখনৰ পৰা যোৱাকালি চোৰে নগদ ধন সহ তিনি লক্ষাধিক টকাৰ সা-সামগ্ৰী চুৰি কৰে৷ বিহু আৰু হালখাতাৰ ব্যস্ততা সামৰি আবেলি তিনি মান বজাত মা ইনফ’কমৰ স্বত্বাধিকাৰী ইমৰুল হকে দোকানখন খুলিয়েই দোকানৰ সা-সামগ্ৰী লণ্ড-ভণ্ড হৈ থকা প্ৰত্যক্ষ কৰে ৷ চেমচাং, অপ্প, কাৰ্বণ, ভি’ভ আদি এনড্ৰয়ড আৰু জিএছএম মোবাইল, লেপটপ,  চাৰ্জাৰ, মেমৰিকাৰ্ডকে ধৰি নগদ ধনসহ চোৰে প্ৰায় তিনিলাখ টকাৰ সামগ্ৰী চুৰি কৰে৷ বজাৰখনত নৈশ চকীদাৰ তথা চিচিটিভিৰ কটকটীয়া পহৰাৰ মাজতো চোৰে দোকানখনৰ চালৰ টিনপাত খুলি লুট-পাট চলোৱা কাৰ্যত স্থানীয় লোকে তীব্ৰ প্ৰতিক্ৰিয়া ব্যক্ত কৰিছে৷ ক্ষুদ্ধ জনতাই সোণতলী আৰক্ষী থানাত খবৰ দিয়াত ঘটনাস্থলীত আৰক্ষীৰ দল উপস্থিত হৈ পৰিস্থিতি নিয়ন্ত্ৰনলৈ আনে ৷ বিপনীখনৰ স্বত্বাধিকাৰী ইমৰুল হকে সোণতলী আৰক্ষী থানাত এখন এজাহাৰ দাখিল কৰে৷ আৰক্ষীয়ে এজাহাৰৰ ভিত্তিত তৎকালীনভাৱে তদন্ত আৰম্ভ কৰি আজি পুৱা বজাৰখনৰ নৈশ চকীদাৰ দুজনক সোধ-পোছৰ কাৰণে আটক কৰে৷ উল্লেখ্য যে, ইয়াৰ পূৰ্বে দক্ষিণ কামৰূপৰ ছয়গাওঁ থানাৰ অন্তৰ্গত গৰৈমাৰীৰ বাপু ইলেক্ট্ৰনিকচৰ নামৰ আন এখন মোবাইল বিপনীৰ পৰা চোৰে চালৰ টিনপাত খুলি এটা সপ্তাহত দুবাৰকৈ চুৰি কৰে৷ যোৱাকালি চোৰে পুনৰ একেটা পদ্ধতিৰে মা ইনফ’কমত চুৰি কৰাত অঞ্চলটোত চোৰৰ এটা বৃহৎ দল সক্ৰিয় হৈ পৰাটো স্পষ্ট হৈ পৰিছে৷ আৰক্ষীয়েও চোৰৰ দলটোক আটক কৰিবলৈ ক্ষিপ্ৰতাৰে তদন্ত অব্যাহত ৰাখিছে৷

Comments

comments

You may also read!

ছয়গাৱত অগপৰ পঞ্চায়ত নিৰ্বাচনৰ ৰণশিঙা

ছয়গাও, সংবাদ ৩৬৫, ২০ নৱেম্বৰ: ৰাজ্যত অহা পাচ নৱেম্বৰত অনুষ্ঠিত হ'বলগীয়া প্ৰথম পৰ্যায়ৰ পঞ্চায়ত নিৰ্বাচনৰ বাবে ছয়গাৱত অগপই মঙ্গলবাৰে

Read More...

ডিগবৈত শিল ব্যৱসায়ী অপূৰ্ব বৰাক অপহৰণ: অপূৰ্বৰ মুক্তিৰ দাবীত ৩৮নং ৰাষ্ট্ৰীয় ঘাইপথ অৱৰোধ স্থানীয় ৰাইজৰ

ডিগবৈ পৰা বিজয় সূত্ৰধৰ, সংবাদ ৩৬৫, ২০ নৱেম্বৰ: সোমবাৰে তিনিচুকীয়া জিলাৰ জাগুন থানাৰ অন্তৰ্গত জাগুন ১০ মাইলৰ শিল কুৱৰিৰ

Read More...

কলগাছিয়াৰ জনতা কৃষক মুক্তি সংগ্ৰাম সমিতিৰ তপন গগৈৰ প্ৰতিকৃতি দাহ

কলগাছিয়া, সংবাদ ৩৬৫, ২০ নৱেম্বৰ: পৰিবৰ্তনকামী চৰকাৰখনে উন্নয়নৰ নামত হাজাৰটা শ্লোগান গাই জনসাধাৰণক উন্নয়নৰ নামত ফোঁপোলাস্বৰূপ যে দেখুৱালে তাৰ

Read More...

Mobile Sliding Menu