কলকাতাৰ হাতত বিধ্বস্ত বাঙ্গালুৰু

In ক্ৰীড়াংগন

বাঙ্গালুৰু, ৯ মেঃ দশম আই পি এলত নাইট ৰাইডাৰ্ছে ৰয়েল চেলেঞ্জাৰ্ছ বাংগালোৰক ছয় উইকেটত পৰাস্ত কৰে। সুনীল নাৰিনে মেছখনত বিস্ফোৰক বেটিঙে আই পি এলত দ্রুততম অর্ধশতক অর্জন কৰা দ্বিতীয়জন বেটমেনৰ খিতাপ অৰ্জনৰ লগতে নাইট ৰাইডাৰ্ছক সহজ জয়ত সহায়  কৰে। কেৰিবিয়ান তাৰকাগৰাকীয়ে কলকাতা নাইট ৰাইডাৰ্ছৰ হৈ আকর্ষণীয় বলিং কৰাৰ পিচত মাত্র ১৫ টা বলত অর্ধশতক সম্পূর্ণ কৰে। জয়ৰ বাবে প্রয়োজনীয় ১৫৯ ৰান কলকাতাই ১৫.১ অ’ভাৰত চাৰিটা উইকেট হেৰুৱাই সংগ্ৰহ কৰি লয়। আঘাতমুক্ত হৈ উভতি অহা ক্ৰিছ লীন আৰু নাৰিনে পাৱাৰ প্লে’ অর্থাৎ প্রথম ৬ অ’ভাৰত ১০৫ ৰান সংগ্রহ কৰে, যিটো আই পি এলৰ ইতিহাসত পাৱাৰ প্লেৰ সর্বাধিক ৰান। নাৰিনে ১৭ টা বলত ৫৪ ৰান কৰি উভতি যায়। তেওঁ ছটা বাউণ্ডেৰী আৰু চাৰিটা ছিক্সাৰ কোবায়। ১৫ টা বলত অর্ধশতক সম্পূর্ণ কৰি নাৰিনে আই পি এলত দ্রুততম অর্ধশতক অর্জন কৰাৰ ইউছুফ পাঠানৰ অভিলেখ স্পর্শ কৰে। ইউছুফে ২০১৪ ত ছানৰাইজাৰ্ছ হায়দৰাবাদৰ বিৰুদ্ধে ১৫ টা বলত কলকাতাৰ হৈ অর্ধশতক অর্জন কৰিছিল। নাৰিনৰ উপৰি লীনে ৫০ আৰু কলিন ডি গ্রেণ্ডহামে ৩১ ৰান সংগ্ৰহ কৰে। মেচখনত প্রথমে বেটিং কৰি ৰয়েল চেলেঞ্জাৰ্ছে ট্ৰেভিছ হেডৰ অপৰাজিত ৭৫ আৰু মনদীপ সিঙৰ ৫২ ৰানৰ সহায়ত ছটা উইকেটৰ বিনিময়ত ১৫৮ ৰান কৰে। নাইট ৰাইডাৰ্ছৰ হৈ উমেশ যাদৱে তিনিটা আৰু নাৰিনে দুটা উইকেট লাভ কৰে। নাৰিন মেন অব দা মেচ নির্বাচিত হয়।

Comments

comments

You may also read!

বীৰ শ্বহীদলৈ সন্মান সৰ্বানন্দ সোনোৱাল আৰু হিমন্ত বিশ্ব শৰ্মাৰ: স্ব-কান্ধে বীৰ শ্বহীদৰ নশ্বৰ দেহৰ কফিন লৈ হেলিকপ্টাৰত উঠাই শ্ৰদ্ধাঞ্জলী

গুৱাহাটী, সংবাদ ৩৬৫, ১৬ ফেব্ৰুৱাৰী: যোৱা ১৪ ফেব্ৰুৱাৰীত জম্মুৰ পুলৱামাত পাকিস্তানী সন্ত্ৰাসবাদীৰ বৰ্বৰ আক্ৰমনত শ্বহীদ হোৱা অসম সন্তান মনেশ্বৰ

Read More...

কৃষকৰ কল্যাণৰ লক্ষ্য কৃষি উন্নয়ন সন্থাৰ: বেচামাৰিত ৰেহাই মূল্যত ৰাসায়নিক সাৰ, ঔষধ বিতৰণ

বটদ্ৰৱাৰ পৰা নজৰুল ইছলাম, সংবাদ ৩৬৫, ১৫ফেব্ৰুৱাৰী: ৰাজ্যৰ কৃষক সকলৰ কল্যাণৰ বাবে কৃষি উন্নয়ন সন্থা অসমে বিশেষ ব্যৱস্থা গ্ৰহণ

Read More...

কলগাছিয়াত পাকিস্তানৰ উগ্ৰপন্থীৰ বিৰুদ্ধে পাব্লিক স্কুলৰ দুই শতাধিক ছাত্ৰ-ছাত্ৰীৰ তীব্ৰ প্ৰতিবাদ

কলগাছিয়া, সংবাদ ৩৬৫, ১৬ ফেব্ৰুৱাৰী: যোৱা বৃহস্পতিবাৰে জম্মু কাশ্মীৰত কৰ্মৰত ৪৪ জনকৈ ভাৰতীয় সেনা জোৱানক পাকিস্তানৰ উগ্ৰপন্থীয়ে আত্মঘাতী বোমাৰে

Read More...

Mobile Sliding Menu