অৰুণাচল প্ৰদেশৰ চিয়াং নৈৰ পানীত চিমেণ্ট

In ৰাষ্ট্ৰীয়-আন্তঃৰাষ্ট্ৰীয়

অৰুণাচল প্ৰদেশ, ২৮  নৱেম্বৰঃ চীনৰ দক্ষিণ তিব্বতৰ পৰা অৰুণাচল প্ৰদেশত চিয়াং নাম লৈ অসমলৈ অহা ব্ৰহ্মপুত্ৰৰ ওপৰত নামি আহিছে সংকট। অৰুণাচল প্ৰদেশত চিয়াং নৈত এক অস্বাভাৱিক পৰিৱৰ্তন প্ৰলক্ষিত হৈছে। শুকাবলৈ ধৰিছে চিয়াং নৈ, লেতেৰা হৈ পৰিছে চিয়াংৰ পানী, চিয়াংৰ পানীত মিহলি হৈছে চিমেণ্ট। চিয়াংৰ পানীত চিমেণ্ট কৰ পৰা আহিছে, কিয় শুকাবলৈ ধৰিছে চিয়াং এই প্ৰশ্নই চিন্তিত কৰি তুলিছে চুৱাৰীয়া ৰাজ্যখনৰ বাসিন্দাক। চীনৰ সীমান্তৱৰ্তী অৰুণাচল প্ৰদেশৰ চিয়াং নৈৰ এনে অস্বাভাৱিক পৰিৱৰ্তনক লৈ শেহতীয়াকৈ বিভিন্ন প্রশ্নৰ অৱতাৰণা হৈছে। চীনে দক্ষিণ তিব্বতৰ পৰা বিঞ্জিয়াং প্ৰদেশলৈ বিশ্বৰ ভিতৰতে সবাতোকৈ দীঘল প্ৰায় ১০০০ কিল’মিটাৰ দৈৰ্ঘৰ সুৰংগ নিৰ্মান কৰি য়াৰলুং ছাংপো নদী তাকলিমাকান মৰুভূমিলৈ বোৱাই নিয়াৰ যি পৰিকল্পনা কৰিছে ইয়াৰে পৰিণতিত অৰুণাচলত চিয়াং নৈত এনে পৰিৱৰ্তন হোৱা বুলি শংকা প্ৰকাশ কৰিছে বিভিন্নজনে। চিয়াং নৈত হোৱা এই পৰিবৰ্তনক লৈ অৰুণাচল প্ৰদেশৰ লোকসভাৰ সাংসদ নিনিং এৰিঙ ২৫ নৱেম্বৰত প্ৰধানমন্ত্ৰী নৰেন্দ্ৰ মোদীলৈ পত্ৰ প্ৰেৰণ কৰি সমগ্ৰ বিষয়তো অৱগত কৰিছে। এৰিঙ প্ৰধানমন্ত্ৰীক এই বিষয়টো অন্ত:ৰাষ্ট্ৰীয় পৰ্যায়ত উত্থাপন কৰি ব্ৰহ্মপুত্ৰৰ ওপৰত চীনৰ গতিবিধিৰ তথ্য লাভৰ বাবে আহ্বান জনাইছে। অৰুণাচলৰ সাংসদগৰাকীয়ে প্ৰকাশ কৰে যে শীতকালত চিয়াং নৈৰ পানী কিছুপৰিমানে হ্ৰাস পায় যদিও বৰ্তমান চিয়াংৰ পানী অস্বাভাৱিক হাৰত হ্ৰাস পাইছে। চিয়াং নৈৰ পৰিষ্কাৰ পানী হঠাৎ লেতেৰা হৈ পৰিছে আৰু নৈখনে বোকাজাতীয় সামগ্ৰী কঢ়িয়াই আনিছে। সাংসদগৰাকীয়ে চিয়াং নৈৰ পানী পৰীক্ষা কৰি উল্লেখ কৰে যে চিয়াংৰ পানীত চিমেণ্ট মিহলি হৈ থকা যেন অনুভৱ হয়। সাংসদগৰাকীয়ে আৰু উল্লেখ কৰে যে চীনৰ সীমান্তৱৰ্তী আপাত চিয়াংত যোৱা এমাহৰ ভিতৰত বৃহৎ সংখ্যাক মাছৰ মৃত্যু হৈছে। বিভিন্ন সময়ত চীনে ব্ৰহ্মপুত্ৰ নৈৰ পানী মৰুভূমিলৈ বোৱাই নিয়াৰ বাবে সুৰং নিৰ্মান কৰাৰ কথা পোহৰলৈ আহিছে যদিও চীনে এই কথা অস্বীকাৰ কৰি আহিছে। কিন্তু চিয়াং নৈৰ অস্বাভাৱিক পৰিৱৰ্তনে চীনৰ সুৰং নিৰ্মাণৰ সত্যতাক একপ্ৰকাৰ প্ৰমাণিত কৰি তুলিছে। বিভিন্ন তথ্য অনুসৰি চীনে এই গোপন সুৰংৰ মাধ্যমেৰে দক্ষিণ তিব্বতৰ পৰা ব্ৰহ্মপুত্ৰৰ প্ৰায় ১০ পৰা ১৫ বিলিয়ন টন পানী চীনৰ মৰুভূমিলৈ বোৱাই নিব। যদি এনে হয় তেন্তে ব্ৰহ্মপুত্ৰ নৈ শুকাই অসম মৰুভূমিত পৰিণত হোৱাৰ সম্ভৱনা অধিক।

Comments

comments

You may also read!

নিশা তামুলপুৰৰ বৰ বালিশিহাত কোনো দুৰ্বৃত্তই অগ্নিসংযোগ কৰে বাহন

তামুলপুৰ, সংবাদ ৩৬৫, ১৫ নৱেম্বৰ: বাক্সা জিলাৰ তামুলপুৰ মহকুমাৰ গান্ধীবাৰী আৰক্ষী চকীৰ অন্তৰ্গত বৰ বালিশিহাত বুধবাৰে নিশা কোনো আচিনাক্ত

Read More...

সৰুপথাৰত ২১ খন গাঁও পঞ্চায়তৰ সৰ্বমুঠ ২৭৩টা পদৰ বাবে প্ৰথম পৰ্যায়ৰ পঞ্চায়ত নির্বাচনৰ অন্তিম মনোনয়ন পত্ৰ দাখিল

সৰুপথাৰ, সংবাদ ৩৬৫, ১৫ নৱেম্বৰ: ৰাজ্যত সমাগত পঞ্চায়ত নিৰ্বাচনৰ বাবে তৎপৰ সকলো দল-কৰ্মী। অহা ৫ ডিচেম্বৰত অনুষ্ঠিত হ'ব লগীয়া

Read More...

ডিগবৈত ১৪৩ তম ৰাষ্ট্ৰীয় শ্বহীদ বীৰ বীৰছা মুণ্ডাৰ জন্ম জয়ন্তী উদযাপন: দুদিনীয়া কাৰ্যসূচীত হাজাৰ হাজাৰ লোকৰ সমাগম

ডিগবৈৰ পৰা বিজয় সূত্ৰধৰ, সংবাদ ৩৬৫, ১৫ নৱেম্বৰ: তৈলনগৰী ডিগবৈত অসম মুন্ডা মহাসভা অবিভক্ত ডিব্ৰুগড়-তিনিচুকীয়া জিলা সমিতি আৰু অবিভক্ত ডিব্ৰুগড়

Read More...

Mobile Sliding Menu