একাংশ বালি মাফিয়াৰ দৌৰাত্ম্যৰ বাবে গভীৰ সংকটৰ দিশে জয়পুৰ বৰ্ষাৰণ্য

In ৰাজ্য

নাহৰকটীয়া, সংবাদ ৩৬৫, ১২ ফেব্ৰুৱাৰী: নাহৰকটীয়াৰ জয়পুৰ বৰ্ষাৰণ্যৰ সমীপতে বালি মাফিয়াৰ দৌৰাত্ম্য। চকু মুদা কুলিৰ ভাৱত ৰাজ্যৰ বিয়াগোম বন বিভাগ। দৈনিক শ শ ট্ৰাক অবৈধ বালি সৰবৰাহ হৈ আহিছে নাহৰকটীয়া, জয়পুৰ অঞ্চলৰ লগতে চুবুৰীয়া ৰাজ্য অৰুণাচল প্ৰদেশলৈও। উল্লেখযোগ্য যে ৰেইনফৰেষ্ট এক্ট অনুসৰি জয়পুৰ বৰ্ষাৰণ্যৰ অন্তৰ্গত ৫ কিঃমিঃ ব্যৱধানত কোনো লোকে বালি বা শিলগুটি এটাও খান্দিব নোৱাৰে তেনে স্থলত ডিগবৈ বন সংমণ্ডল আৰু জয়পুৰ বন সংমণ্ডলক মেনেজ কৰি বালি মাফিয়াই দীৰ্ঘদিন ধৰি চলাই আহিছে বালিৰ অবৈধ মুক্ত খনন। যাৰ বাবে এতিয়া বিপদ সংকুল হৈ পৰিছে জয়পুৰ বৰ্ষাৰণ্যৰ লগতে টিপাম দলংখনৰ বাবেও। আনকি ইমানতো শান্ত নাথাকি ক্ষমতাৰ বলিয়ান হৈ ধনবল বাহুবল প্ৰয়োগ কৰি এচাম বালি মাফিয়াই নতুনকৈ জয়পুৰ নক্টে গাঁৱতো জেচিবি আৰু ডাম্পাৰ নদীৰ বুকুত নমাই নতুনকৈ আৰম্ভ কৰিছে বালিৰ অবৈধ মুক্ত খনন। এতিয়া প্ৰশ্ন হয় যি সময়ত স্থানীয় একাংশ সচেতন যুৱকে জয়পুৰ বৰ্ষাৰণ্যক দেশী- বিদেশী পৰ্য্যটকৰ আকৰ্ষণৰ কেন্দ্ৰ বিন্দুৰ বাবে বলিউডৰ নামী – দামী অভিনেতাৰ বিজ্ঞাপনেৰে জয়পুৰ বৰ্ষাৰণ্য উৎসৱ উদযাপন কৰি চমক সৃষ্টি কৰি আহিছিল, সেই সময়তে একাংশ বন বিষয়াক মেনেজ কৰি অবৈধভাবে বালি খননেৰে মাফিয়াই নি:শেষ কৰিব লৈছে জয়পুৰ বৰ্ষাৰণ্যক। আনহাতে বনমন্ত্ৰী পৰিমল শুক্লবৈদ্য আৰু তেওঁৰ বিয়াগোম বন বিভাগে বালি মাফিয়া সকলক এতিয়া কি দৰে নাকী লগাব পাৰে সেয়া সময়তহে স্পষ্ট হব।

Comments

comments

You may also read!

আৰ্টিষ্ট গ্ৰীল্ডত প্ৰহৰৰ সপ্তম বাৰ্ষিক চিত্ৰ প্ৰদৰ্শনী

গুৱাহাটী, সংবাদ ৩৬৫, ২৪ আগষ্ট : গুৱাহাটীৰ চান্দমাৰীস্থিত আৰ্টিষ্ট গ্ৰীল্ডত শনিবাৰৰ পৰা আৰম্ভ হৈছে প্ৰহৰৰ সপ্তম বাৰ্ষিক চিত্ৰ প্ৰদৰ্শনী।

Read More...

বহু ৰহস্যৰ কুহেলিকা ভঙাৰ আগতেই জ্বলি শেষ হৈ যাব নেকি “ধৰিত্ৰীৰ কলিজা” : ব্যৱহাৰ কৰিব লাগিব নেকি অক্সিজেন মাক্স

নন্দিনী মহন্তৰ বিশেষ প্ৰতিবেদন, সংবাদ ৩৬৫, ২৪ আগষ্ট : পৃথিৱীৰ প্ৰায় বিশ শতাংশতকৈও অধিক অক্সিজেন সৃষ্টি হোৱা এক অঞ্চল আমাজন বর্ষাৰণ্য ।

Read More...

মুকাভিনয় জৰিয়তে ৰাষ্ট্ৰীয় প্ৰেক্ষাপটত উজ্বলিল অসম সন্তান

গুৱাহাটী, সংবাদ ৩৬৫, ২৪ আগষ্ট : মুকাভিনয়ৰ জৰিয়তে ৰাষ্ট্ৰীয় প্ৰেক্ষাপতত উজ্বলিল অসম সন্তান । মুকাভিনয়ৰ বাবে ভাৰত চৰকাৰৰ সংগীত,নাট-নৃত্য

Read More...

Mobile Sliding Menu