কলগাছিয়াৰ ৰহাত চোৰাং শাল কাঠ ভৰ্ত্তি ট্ৰাক দুৰ্ঘটনাগ্ৰস্থ

In ৰাজ্য

কলগাছিয়া, সংবাদ ৩৬৫, ১০ আগষ্ট: সঘনাই অপৰাধমূলক ঘটনা সংঘটিত হোৱা কলগাছিয়াত এইবাৰ দুৰ্ঘটনাগ্ৰস্থ চোৰাং শাল কাঠ ভৰ্ত্তি ট্ৰাক। বৃহস্পতিবাৰে নিশা তীব্ৰ বেগেৰে চোৰাং কাঠখিনি কলগাছিয়াৰ জাউৰীমাৰিত লৈ গৈ থকা অৱস্থাত বৰপেটা জিলাৰ সৰভোগ আৰক্ষীৰ অন্তৰ্গত কলগাছিয়াৰ ৰহা চকত এডাল গছত খুন্দা মাৰি দুৰ্ঘটনাত পতিত হয় এন এল ০১ডি ৬৯১৩ নম্বৰৰ শাল কাঠৰ কুণ্ডা ভৰ্ত্তি ট্ৰাকখন। ট্ৰাকখনৰ লগত আৰু এখন এ এছ ১৫ এল ৪৯২৮ সৰু চাৰিচকীয়া বাহনো আহিছিল। দুৰ্ঘটনা সংঘটিত হোৱাৰ লগে লগে সৰু চাৰিচকীয়া বাহন খন ট্ৰাকৰ ওচৰত থৈ পলায়ন কৰে গাড়ী খনৰ গৰাকী। কাঠ ভৰ্ত্তি ট্ৰাক খনৰ লগতে চাৰিচকীয়া বাহনখন সৰভোগ স্থানীয় ৰাইজে সৰভোগ আৰক্ষীক গতাই দিয়ে। প্রায় ২০ লাখ টকাৰ শাল কাঠৰ কুণ্ডা ট্ৰাক খনত থকা বুলি অনুমান কৰিছে স্থানীয় ৰাইজে। গৰীয়া মৰিয়া দেশীয় জাতীয় পৰিষদে অভিযোগ কৰে যে পুলিচ প্ৰশাসনক বুঢ়া আঙুলি দেখুৱাই নিতৌ চোৰাং কাঠ, চোৰাং গৰু অনা নিয়া হয় এই কলগাছিয়া গৰকাপ্তানী পথেদি। গতিকে প্ৰশাসনে এই ক্ষেত্ৰত কঠোৰ পদক্ষেপ গ্ৰহণ কৰাৰ দাবী উত্থাপন কৰে গৰীয়া মৰিয়া দেশীয় জাতীয় পৰিষদে ।

Comments

comments

You may also read!

বদৌচা স্পৰ্টছ ক্লাৱৰ উদ্যোগত আৰু অসম ফুটবল সন্থাৰ তত্বাৱধানত আন্তৰাষ্ট্ৰীয় আমন্ত্ৰণমূলক ফুটবল প্ৰতিযোগিতা

গুৱাহাটী, সংবাদ ৩৬৫, ১৭ আগষ্ট: বদৌচা কাপ অহা ৯ চেপ্তেম্বৰৰ পৰা ২৩ চেপ্তেম্বৰলৈ অসমৰ মুঠ ৭টা স্থানত অনুষ্ঠিত হ'ব।

Read More...

কলগাছিয়াৰ বেকী নৈৰ বাঢ়নী পানীত ৬ বছৰীয়া শিশুৰ সলীল সমাধি

কলগাছিয়া, সংবাদ ৩৬৫, ১৭ আগষ্ট: বৰপেটা জিলাৰ কলগাছিয়া আৰক্ষী থানাৰ অন্তৰ্গত শওপুৰ গাঁওত শুক্ৰবাৰে দুপৰীয়া ৬ বছৰীয়া এটি শিশু

Read More...

শ্ৰীৰামপুৰত বিজেপি হাতীধূৰা মণ্ডল কমিটিৰ উদ্যোগত অটল বিহাৰী বাজপেয়ীক শ্ৰদ্ধাঞ্জলিঃ

শ্ৰীৰামপুৰ, সংবাদ ৩৬৫, ১৭ আগষ্ট: ভাৰত ৰত্ন, প্ৰাক্তন প্ৰধানমন্ত্ৰী অটল বিহাৰী বাজপেয়ীৰ মহাপ্ৰয়াণত হাতীধূৰা মণ্ডল বিজেপি কমিটিৰ উদ্যোগত শুক্ৰবাৰে

Read More...

Mobile Sliding Menu