পুনৰ দক্ষিণ শালমাৰাত যন্ত্ৰচালিত নাওঁসহ পশুধন জব্দ

In ৰাজ্য
Umra Package

আব্দুল বাশিদ সৰকাৰ

হাটশিঙিমাৰী

১৭ অক্টোবৰ

ব্ৰহ্মপুত্ৰ নদীত ধাৰাবাহিকভাৱে জব্দ হৈ আছে চোৰাং পশুধন। নামনি অসমৰ জলপথ সমূহেৰে নিতৌ সৰবৰাহকাৰীয়ে চোৰাংভাৱে বাংলাদেশলৈ চালান দি আছে পশুধন। আৰক্ষীৰ অভিযান পুনৰ ব্ৰহ্মপুত্ৰ নদীত জব্দ যন্ত্ৰচালিত নাওঁসহ পশুধন। এইবাৰ আৰক্ষীৰ জালত চাৰি সৰবৰাহকাৰী।

নামনি অসমৰ ধুবুৰী আৰু দক্ষিণ শালমাৰা মানকাচৰ জিলাৰ নদী পথ সমূহেৰে অব্যাহত আছে চোৰাং পশুধনৰ সৰবৰাহ। বিশেষকৈ ব্ৰহ্মপুত্ৰ নদীৰ নিতৌ একাংশ পশুধন সৰবৰাহকাৰীয়ে বাংলাদেশলৈ চোৰাংভাৱে চালান দি আছে পশুধন। দক্ষিণ শালমাৰা আৰক্ষীয়ে চোৰাং পশুধন সৰবৰাহকাৰীৰ বিৰুদ্ধে অভিযান চলাই প্ৰায়ে বৃহৎ পৰিমানৰ পশুধন জব্দ কৰাৰ লগতে গ্ৰেপ্তাৰ কৰি আছে সৰবৰাহকাৰীক। শনিবাৰে পুৱতি নিশা দক্ষিণ শালমাৰা থানাৰ আৰক্ষীয়ে পুনৰ চোৰাং পশুধন সৰবৰাহকাৰীৰ বিৰুদ্ধে অভিযান চলাই দক্ষিণ শালমাৰাৰ বংশিৰচৰ ভাৰত-বাংলাদেশ সীমান্তত ব্ৰহ্মপুত্ৰ নদীত এখন যন্ত্ৰচালিত নাওঁসহ ১৬ টা পশুধন জব্দ কৰাৰ লগতে ৪ গৰাকী পশুধন সৰবৰাহকাৰীক আটক কৰে। আৰক্ষীৰ জালত পৰা সৰবৰাহকাৰী চাৰিজন হৈছে দক্ষিণ শালমাৰা থানাৰ অন্তৰ্গত মুঠাখোৱা গাঁৱৰ বাসিন্দা ছাইদুল ইছলাম, বাহাৰ আলী, পাশান আলী আৰু ছাইদুল ইছলাম। আৰক্ষীয়ে বৰ্তমান অধিক তথ্যৰ বাবে সৰবৰাহকাৰী চাৰিজনক জেৰা চলাই থকা বুলি জানিব পৰা গৈছে। উল্লেখ্য যে তিনিদিন পূৰ্বেও দক্ষিণ শালমাৰা থানাৰ আৰক্ষীয়ে অভিযান চলাই দক্ষিণ শালমাৰাৰ মাটিফাটা ভাৰত-বাংলাদেশ সীমান্তত ব্ৰহ্মপুত্ৰ নদীৰ পৰা এখন যন্ত্ৰচালিত নাওঁসহ ৫০ টা পশুধন জব্দ কৰাৰ লগতে এজন পশুধন সৰবৰাহকাৰীক গ্ৰেপ্তাৰ কৰিছিল।

কিছুদিন পূৰ্বেও দক্ষিণ শালমাৰা থানাৰ আৰক্ষীৰ এটা সঁজাতি দলে অভিযান চলাই দক্ষিণ শালমাৰা ভাৰত-বাংলাদেশ সীমান্তৰ শুতলামাৰা মোটাখোৱাত ব্ৰহ্মপুত্ৰৰ পৰা এখন যন্ত্ৰচালিত নাওঁসহ ৩৮ টা গৰু জব্দ কৰিছিল। দক্ষিণ শালমাৰা মানকাচৰ জিলাত সীমান্ত সুৰক্ষা বাহিনী আৰু আৰক্ষীৰ চকুত ধূলি দি একাংশ পশুধন সৰবৰাহকাৰী দিনে-নিশাই বাংলাদেশলৈ চোৰাংভাৱে পশুধনৰ সৰবৰাহ আব্যাহত ৰাখিছে।

You may also read!

Drinking Water : অচিৰেই গুৱাহাটীৰ বহু অঞ্চলত বন্ধ হ’ব পৌৰ নিগমৰ পানী যোগান ব্যৱস্থা

গুৱাহাটী : অচিৰেই গুৱাহাটীৰ বহু অঞ্চলত বন্ধ হ’ব পৌৰ নিগমৰ পানী যোগান ব্যৱস্থা (Drinking Water)। গুৱাহাটী মহানগৰীৰ যিসমূহ এলেকাত

Read More...

Farmers Awareness : ফচল বীমা যোজনা আঁচনি সন্দৰ্ভত নলবাৰীত কৃষক সজাগতা সভাৰ শুভাৰম্ভণি

নলবাৰী : ফচল বীমা যোজনা আঁচনি সন্দৰ্ভত নলবাৰীত কৃষক সজাগতা সভাৰ (Farmers Awareness) শুভাৰম্ভণি। নলবাৰী জিলাৰ ৬৫ খন গাঁও

Read More...

Online facility for House Construction Permission : পহিলা জানুৱাৰীৰ পৰা ৰাজ্যত মাথোঁ অনলাইনযোগেহে গৃহ নিৰ্মাণৰ অনুমতি প্ৰদানৰ ব্যৱস্থা

গুৱাহাটী : অহা বছৰৰ পহিলা জানুৱাৰীৰ পৰা ৰাজ্যৰ চহৰসমূহত গৃহ নিৰ্মাণৰ অনুমতি প্ৰদানৰ ক্ষেত্ৰত বৰ্তমানে থকা ‘মেনুৱেল’ পদ্ধতিৰ অৱসান

Read More...

Mobile Sliding Menu