বৰপেটা, সংবাদ ৩৬৫, ২৫ জানুৱাৰী: আগন্তুক লোকসভা নিৰ্বাচনৰ বাবে এতিয়া তৎপৰ হৈ পৰিছে সকলো ৰাজনৈতিক দল-সংগঠনৰ লগতে কৰ্ম-কৰ্তাসকল। নিৰ্বাচনৰ বাবে ভিন্ন দল-সংগঠন সমূহে ভিন্ন পন্থা হাতত লোৱা দেখা গৈছে। তাৰ প্ৰতি লক্ষ্য ৰাখিয়ে বৰপেটা লোকসভা সমষ্টিৰ পৰা প্ৰতিদ্বন্দিতাত অৱতীৰ্ণ হ’বলৈ আম আদমী পাৰ্টিৰ এক ব্যতিক্ৰমী পন্থা হাতত লৈছে এগৰাকী আম আদমী পাৰ্টিৰ কৰ্মীয়ে। বিগত কিছুদিনৰ পৰা বৰপেটা জিলাৰ আম আদমী পাৰ্টিৰ বৰপেটা জিলা সমন্বয়ক ফাৰুক খানে সমষ্টিটোৰ ইমূৰৰ পৰা সিমুৰলৈ মটৰ চাইকেলেৰে দলটোৰ দহ দফীয়া লক্ষ্য আৰু উদ্দেশ্যৰ প্ৰচাৰ পত্ৰিকা বিলাই ঠায়ে ঠায়ে পথ সভা কৰি ৰাইজৰ মাজত সোমাই ৰাইজৰ মতামতক গুৰুত্ব প্ৰদান কৰি ৰাইজৰ স্বাৰ্থত আগন্তুক লোকসভা নিৰ্বাচনত বৰপেটা লোকসভা সমষ্টিৰ পৰা প্ৰাৰ্থীত্ব লাভৰ বাবে স্বাক্ষৰ অভিযান অব্যাহত ৰাখিছে।