কলগাছিয়াৰ পৰা স্বফিকুল হাছান, সংবাদ ৩৬৫, ২০ মাৰ্চ: বৰপেটা জিলাৰ কলগাছিয়া আৰক্ষী থানাৰ অন্তৰ্গত বালাৰপাথাৰ গাঁৱত সোমবাৰে নিশা নিচাযুক্ত দ্ৰব্য খুৱাই নগদ টকাসহ আ অলংকাৰ লুট কৰা ঘটনাই তীব্ৰ চাঞ্চল্যৰ সৃষ্টি কৰিছে। বালাৰপাথাৰ গাঁৱৰ চুৰুত আলী আৰু তেওঁৰ পুত্ৰ মিজানুৰ ৰহমানৰ পৰিয়ালক একে গাঁৱৰে নুৰ ইছলামৰ পুত্ৰ ছফি আলম ওৰফে মিৰুয়ে আঞ্জাত নিচাযুক্ত দ্ৰব্য মিহলাই এই কাণ্ড সংঘটিত কৰে। ডকাইত ছফি আলম ওৰফে মিৰুয়ে চুৰুত আলী আৰু মিজানুৰ ৰহমানৰ ঘৰৰ লৰা ১ লাখ ৫৫ হেজাৰ নগদ টকা আৰু সোণৰ অলংকাৰ লুট কৰি নিয়ে। নিশা ঘটনাটোৰ খবৰ পাই গাঁৱৰ ৰাইজে নিচাযুক্ত দ্ৰব্যাৰ সেৱাৰ ফলত অচেতন হৈ থকা পৰিয়ালৰ সদস্য সকলক বৰপেটা অসামৰিক চিকিৎসালয়ত ভৰ্তি কৰে। এই সংক্ৰান্তত কলগাছিয়া আৰক্ষী থানাত গোচৰ ৰুজু কৰাত আৰক্ষীয়ে তদন্ত আৰম্ভ কৰিছে। ইফালে ঘটনা সংঘটিত কৰিয়েই ছফি আলম ওৰফে মিৰু আৰু তেওঁৰ সহযোগী পলায়ন কৰিছে।
