নগাঁও, সংবাদ ৩৬৫, ১৯ মাৰ্চ: এটা কুকুৰা চৰাইক লৈ ৰংক্ষেত্ৰত পৰিণত হল নগাঁও জিলাৰ ৰূপহীহাট। কুকুৰা চৰাইক কেন্দ্ৰ কৰি ৰূপহীহাটৰ আমৰাকন্ধাত দুই ফৈদৰ মাজত সোমবাৰে সৃষ্টি হয় সংঘাতৰ, এই সংঘাত পিছত মাৰপিটত পৰিণত হোৱাত মহিলাসহ ৭ জনকৈ লোক আহত হয়। মাৰপিটত আহত হোৱা ব্যক্তি সকলৰ মাজত ৫ জনৰ অৱস্থা সংকটজনক হোৱাত ব্যক্তি সকল চিকিৎসালয়ত ভৰ্তি কৰোৱা হয়। জানিব পৰা মতে, এজন লোকৰ কুকুৰা চৰাই আন এজন লোকৰ ঘৰত চৰিবলৈ যোৱাক লৈ প্ৰথমে দুই ফৈদৰ মাজত কথা কতাকটি আৰু পিছত কথা কতাকটি ৰংক্ষেত্ৰত পৰিণত হোৱাত দা, কোঠাৰলৈ দুই ফৈদৰ মাজত মাৰপিটৰ লাগে। ইতিমধ্যে দুয়ো পক্ষই থানাত গোচৰ ৰুজু কৰাত আৰক্ষীয়ে তদন্ত আৰম্ভ কৰিছে।