ক্ষেত্ৰী, সংবাদ ৩৬৫, ৭ মেঃ মহানগৰীৰ সমীপৱৰ্তী ক্ষেত্ৰীৰ নলগেদৰা মোটাপাহাৰত সোমবাৰে বিদ্যুৎস্পৃষ্ট হৈ এটা বনৰীয়া হাতীৰ কৰুন মৃত্যু ঘটে। খাদ্যৰ সন্ধানত বনাঞ্চলৰ পৰা জনাঞ্চললৈ ওলাই অহা হাতীৰ জাকৰ মাজৰ এটা হাতী বৈদ্যুতিক তাৰৰ সংস্পৰ্শত অহাৰ ফলত মৃত্যু ঘটে। ঘটনাস্থলীত স্থানীয় কিছুমান ৰাইজে মৃত হাতীটোৰ লগতে হাতীটোৰ মৃতদেহৰ কাষত আৰু তিনিটা হাতী হাতী প্ৰত্যক্ষ কৰি বন বিভাগক খবৰ দিয়ে। ঘটনাৰ খবৰ পাই সোণাপুৰ আঞ্চলিক বন বিভাগৰ এটা দল ঘটনাস্থলীত উপস্থিত হৈ বনৰীয়া হাতীৰ মৃতদেহ উদ্ধাৰ কৰে।