গোসাইগাঁৱৰ পৰা বিশ্বজিৎ চৌধুৰী, সংবাদ ৩৬৫, ৬ আগষ্টঃ গোসাইগাঁৱৰ চৌতাৰাত কোচ ৰাজবংশী সন্মিলনীৰ ৰেল অৱৰোধ কাৰ্য্যসূচী৷ ৰেল অৱৰোধৰ বাবে দুখন ৰেলৰ চলাচল বাতিল কৰে৷ বাতিল কৰা ৰেল দুখন হৈছে উজনিমুৱা কামাখ্যা ইন্টাৰচিটী এক্সপ্ৰেছ আৰু নামনিমুৱা বি জি পেছেঞ্জাৰ যাত্ৰীবাহী ৰেল৷ লগতে প্ৰতিবাদৰ ফলত যশৱন্তপুৰ এক্সপ্ৰেছ পশ্চিমবংগ নিউ কোচবিহাৰ ষ্টেচনত আৱদ্ধ হয়৷ কোচ-ৰাজবংশী জনজাতিকৰণৰ দাবীত হেজাৰ হেজাৰ যুৱক-যুৱতী আঠ ঘন্টীয়া ৰেলপথ অৱৰোধ কৰি পৰিবেশ উত্তাল কৰি তোলে৷ ’ন এচ টি, ন ৰেষ্ট,’ আক্ৰাছু জিন্দাবাদ, বি জে পি গো বেক,সৰ্বানন্দ সোণোৱাল মুৰ্দাবাদ শ্লোগানেৰে পৰিবেশ উত্তাল কৰি তোলে৷