গোৱালপাৰা, সংবাদ ৩৬৫, ২৬ জানুৱাৰী: সমগ্ৰ দেশৰ লগতে গোৱালপাৰা জিলাৰ বালিজানা উন্নয়ন খণ্ডৰ অন্তৰ্গত মাৰকুলা হাইস্কুল খেলপথাৰত ভাৰতীয় সেনা আৰু শংকৰ আজান কালচাৰেল এণ্ড এডুকেশ্বনেল ফাউনডেশ্বন এন জি ওৰ সৌজন্যত ২৬ জানুৱাৰী এদিনীয়া বৰ্ণাঢ্য কাৰ্যসূচীৰে ৭০ সংখ্যক গণৰাজ্য দিৱস উদযাপন কৰে। ২৬ জানুৱাৰীৰ পুৱা ৰাষ্ট্ৰীয় পতাকা উত্তোলন কৰে শংকৰ আজান এডুকেশ্বন এন জি ওৰ সভাপতি অধ্যাপক মুশাৰুপ হুছেইন আৰু বয়জেষ্ঠ নাগৰিক সকল। আৰম্ভণিতে ৭০ সংখ্যক গণৰাজ্য দিৱস উপলক্ষে দিনজোৰা কাৰ্যসূচী আয়োজন কৰে। মুকলি সভা দেশ ভক্তিমূলক গীত প্ৰতিযোগিতা দেশ ভক্তিমূলক নৃত্য আদি ছাত্র-ছাত্ৰী সকলৰ মাজত অনুষ্ঠিত কৰা হয়।
