বটদ্ৰবা পৰা নজৰুল ইছলাম, সংবাদ ৩৬৫, ৩জানুৱাৰী: নগাঁও জিলাৰ বটদ্ৰবাৰ নিকটৱৰ্তী ধিং ৰাজহ চক্ৰৰ অন্তৰ্গত মেলেকাধিং গাঁৱত বৃহস্পতিবাৰে দিনৰ ১২:৩০ মান বজাত অচিনাক্ত ব্যক্তিৰ দ্বাৰা পথাৰত থকা এটা খেৰৰ মেজিত জুই লগাই দিয়াৰ ফলত প্ৰায় ১০-১২ হাজাৰ টকাৰ খেৰ জুইত জাহ যায় ।প্ৰাপ্ত বাতৰি মতে, সংসেৰ আলী নামৰ খেতিয়ক জনৰ খেতিপথাৰত থকা প্ৰায় ৩ বিঘা মাটিৰ খেৰ শুকুৱাই থোৱা অৱস্থাত জুই লগা দেখা পাই স্থানীয় একাংশ লোকে ।ফলত জুই নুমোৱাবলৈ আপ্ৰাণ চেষ্টা চলায় যদিও বিফল হয়। কোনো দুষ্ট চক্ৰই পথাৰত কোনো নথকাৰ সুযোগ গ্ৰহণ কৰি এনেধৰণৰ কাৰ্য্য সংঘটিত কৰে ।সংঘটিত ঘটনাটোৰ পিছত খেতিয়ক সংসেৰ আলীয়ে দগাওঁ আৰক্ষী পহৰা চকীত এক এজাহাৰ দাখিল কৰা বুলি জানিব পৰা গৈছে ।
