আজিজ আলী

মুকালমুৱা

৭ ছেপ্টেম্বৰ

মুকালমুৱাৰ সাপকাটাত ভয়াবহ দুর্ঘটনাত। নিয়ন্ত্ৰণ হেৰুৱাই খাৱৈত বাগৰিল বেলেন বাহন। স্থানীয় ৰাইজে উদ্ধাৰ কৰিলে তিনি গৰাকী যাত্ৰীক। এগৰাকী যাত্ৰীৰ অৱস্থা সংকটজনক।

নগাঁও জিলাৰ মুকালমুৱাৰ সাপকাটাত সোমবাৰে পুৱাৰ ভাগত সংঘটিত হয় এক ভয়াবহ দুর্ঘটনা। গুৱাহাটী অভিমুখে গৈ থকা অৱস্থাত এখন বেলেন বাহন নিয়ন্ত্ৰণ হেৰুৱাই দ খাৱৈত বাগৰি পৰে। মুকালমুৱাৰ হাজো-দৌলাশাল পথত সংঘটিত হয় এই ভয়াবহ দুৰ্ঘটনা।কেইজনমান স্থানীয় ৰাইজে
পানীত ডুবি থকা বাহন খনৰ পৰা তিনিগৰাকী যাত্ৰীক উদ্ধাৰ কৰে।

ৰাইজে উদ্ধাৰ কৰি তিনিওগৰাকী যাত্ৰীক মুকালমুৱা চিকিৎসালয়ত ভৰ্তি কৰে। যাত্ৰী সকলৰ ভিতৰত বিপুল ভূঞা নামৰ লোকজনৰ অৱস্থা সংকটজনক হোৱাত বিপুল ভূঞাক গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে।