হাস্না‌ বেগম
গুৱাহাটী
২৯ মার্চ

ফাঁচি বজাৰত ফ্রেণ্ডছ ক্লাবৰ উদ্যোগত উদযাপন ফাকুৱা মহোৎসৱ। নিৰ্বাচনী যুঁজৰ মাজতে ফ্রেণ্ডছ ক্লাবৰ ফাকুৱা মহোৎসৱত অংশগ্ৰহণ কৰিলে মুখ্যমন্ত্ৰী সৰ্বানন্দ সোণোৱাল। ফাঁচি বজাৰৰ পৰাই মুখ্যমন্ত্ৰীয়ে অসমবাসী ৰাইজক ফাকুৱাৰ শুভেচ্ছা জ্ঞাপন কৰিলে। মুখ্যমন্ত্ৰীৰ লগত উপস্থিত থাকে মন্ত্ৰী তথা পূব গুৱাহাটী সমষ্টিৰ বিজেপি দলৰ প্ৰাৰ্থী সিদ্ধাৰ্থ ভট্টাচাৰ্য।

প্ৰথম পৰ্যায়ৰ নিৰ্বাচনৰ ভোট গ্ৰহণৰ পিছতে ৰাজনৈতিক দল সমূহৰ নেতা সকল অধিক তৎপৰ হৈ পৰিছে দ্বিতীয় আৰু তৃতীয় পৰ্যায়ৰ নিৰ্বাচনৰ ভোট গ্ৰহণকলৈ। প্ৰতিটো ৰাজনৈতিক দলৰ নেতা সকলে দ্বিতীয় আৰু তৃতীয় পৰ্যায়ৰ নিৰ্বাচনকলৈ প্ৰচাৰ অভিযান চলাই থকাৰ মাজতে আহিছে ৰঙৰ উৎসৱ ফাকুৱা। নিৰ্বাচনী যুঁজৰ প্ৰচাৰ অভিযানৰ মাজতে নেতা সকলে উদযাপন কৰিছে ফাকুৱা। শাসকীয় দলৰ নেতা সকলৰ লগতে বিৰোধী দলৰ নেতা সকলেও নিৰ্বাচনী যুঁজ চলাই থকাৰ মাজতে উদযাপন কৰিলে ফাকুৱা। সোমবাৰে ফাকুৱা উদযাপন কৰা দেখিবলৈ পোৱা গ’ল ৰাজ্যৰ মুখ্যমন্ত্ৰী সৰ্বানন্দ সোণোৱালক। ফাঁচি বজাৰত ৰাইজৰ মাজত উপস্থিত থাকি মুখ্যমন্ত্ৰী সৰ্বানন্দ সোণোৱালে উদযাপন কৰিলে ফাকুৱা। ফাঁচি বজাৰ ফ্রেণ্ডছ ক্লাবৰ উদ্যোগত আয়োজন কৰা ফাকুৱা মহোৎসৱত অংশগ্ৰহণ কৰি মুখ্যমন্ত্ৰীয়ে ফাকুৱা উদযাপন কৰে। মুখ্যমন্ত্ৰী গৰাকীয়ে ৰাইজৰ লগত ফাকুৱা খেলি ৰাইজক ফাকুৱাৰ শুভেচ্ছা জ্ঞাপন কৰে। ৰঙৰ উৎসৱ ফাকুৱা সমগ্ৰ অসমবাসী ৰাইজৰ জীৱনলৈ সুখ, শান্তি আৰু সমৃদ্ধি কঢ়িয়াই আনিব বুলি কামনা কৰে মুখ্যমন্ত্ৰী সৰ্বানন্দ সোণোৱালে। ফাঁচি বজাৰত ফ্রেণ্ডছ ক্লাবে আয়োজন কৰা ফাকুৱা মহোৎসৱত মুখ্যমন্ত্ৰী সৰ্বানন্দ সোণোৱালৰ লগত উপস্থিত থাকে মন্ত্ৰী তথা পূব গুৱাহাটীৰ বিজেপি দলৰ প্ৰাৰ্থী সিদ্ধাৰ্থ ভট্টাচাৰ্য।

উল্লেখ্য যে, ফ্রেণ্ডছ ক্লাবে ফাঁচি বজাৰত প্ৰতি বছৰে ফাকুৱা মহোৎসৱৰ আয়োজন কৰে। এইবাৰ প্ৰথমবাৰৰ বাবে মুখ্যমন্ত্ৰী সৰ্বানন্দ সোণোৱালে ফ্রেণ্ডছ ক্লাবৰ ফাকুৱা মহোৎসৱত অংশগ্ৰহণ কৰে। ফাকুৱা উপলক্ষে মহানগৰী গুৱাহাটীৰ অন্যান্য প্ৰান্তৰ লগতে ফাঁচি বজাৰত দেখিবলৈ পোৱা যায় এক আনন্দময়ী পৰিৱেশ। ফাকুৱাৰ ৰঙেৰে ৰঙীন হৈ পৰা পৰিলক্ষিত হয় ফাঁচি বজাৰৰ আকাশ বতাহ। গীতৰ তালে তালে নৃত্য কৰি ইজনে সিজনক ৰঙ লগাই ফাকুৱাৰ শুভেচ্ছা জ্ঞাপন কৰে।