বাক্সা, সংবাদ ৩৬৫, ৭ মেঃ বাক্সা জিলাৰ বাগানপাৰা আৰক্ষী চকীৰ অন্তৰ্গত কদমতলাত দেওবাৰে নিশা সংঘটিত হয় এক নৃশংস হত্যাকাণ্ড। কৰুণা শৰ্মা নামৰ এজন পুৰোহিতক কোনো দুৰ্বৃত্তই হানি খুচি হত্যা কৰে। উল্লেখ্য যে নলবাৰী জিলাৰ পুৰোহিতজন দীৰ্ঘদিন ধৰি বাক্সাৰ বাগানপাৰা অঞ্চলত বসবাস কৰি পুজা পাতাল কৰি আহিছিল। দেওবাৰে নিশা পুৰোহিত শৰ্মাই সুন্দৰপুৰত এখন বিবাহ পৰিচালনা কৰি মাদালতানাৰ এটা পৰিয়ালৰ ঘৰত শুই থকা অৱস্থাত কোনো দূৰ্বৃত্তই পুৰোহিত জনক আক্ৰমন কৰি হত্যা কৰে। দূৰ্বৃত্তই অতি নৃশংস ভাৱে পুৰোহিত জনৰ চকুু, কান আৰু গালত চোকা অস্ত্ৰেৰে আঘাত কৰি মুমুৰ্ষ অৱস্থাত পেলাই থৈ যায়৷ সোমবাৰে পুৱাৰ ভাগত স্থানীয় ৰাইজে পুৰোহিত জনক মুমুৰ্ষ অৱস্থাত প্ৰত্যক্ষ কৰি বাগানপাৰা আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ সংকটজনক অৱস্থাত লোকজনক উদ্ধাৰ কৰি নলবাৰী অসামৰিক চিকিৎসালয়লৈ প্ৰেৰন কৰে যদিও চিকিৎসকে পুৰোহিত জনক মৃত বুলি ঘোষনা কৰে।
