মিৰ্জাৰ পৰা অজয় দাস, সংবাদ ৩৬৫, ৬ মেঃ বৰঝাৰ বিমানবন্দৰৰ সমীপত দেওবাৰে এক ভয়ংকৰ দুৰ্ঘটনা সংঘটিত হয়। দ্ৰুতবেগী বাছ আৰু স্কুটিৰ মাজত মূখামুখী সংঘৰ্ষ হোৱাত থিতাতে এজন যুৱক নিহত হোৱাৰ লগতে আনহাতে এজন যুৱক গুৰুত্বৰভাৱে আহত হয়। জানিব পৰা ম’তে এএছ-২৫-জি-০০৭২ নম্বৰৰ স্কুটিত দুজন যুৱক মিৰ্জাৰ পৰা বৰঝাৰস্থিত বাসগৃহ অভিমুখে গৈ থাকোঁতে গুৱাহটীৰ পৰা গোৱালপাৰা অভিমুখে গৈ থকা এখন বাছৰ লগত মুখমুখী সংঘৰ্ষ হোৱাত এজন যুৱকে প্ৰাণ হেৰুৱাৰ লগতে আন এজন যুৱক গুৰুত্বৰভাবে আঘাতপ্ৰাপ্ত হোৱাত যুৱক জনক আজাৰা প্ৰাথমিক চিকিৎসালয়ত ভৰ্তি কৰা হয় যদিও আঘাত অতি গুৰুত্বৰ হোৱাৰ বাবে যুৱক জনক গুৱাহাটীলৈ প্ৰেৰণ কৰা হয়। দুর্ঘটস্থলীত আজাৰা আৰক্ষী উপস্থিত হৈ বাহন দুখন আজাৰা আৰক্ষী চকীলৈ লৈ যায়।
