বিনু তালুকদাৰ
মুকালমুৱা
১২ ছেপ্টেম্বৰ
মুকালমুৱা আৰক্ষীৰ বিশেষ সাফল্য। পিষ্টলসহ আটক কৰিলে দুজন লোকক। বিভিন্ন অপৰাধজনিত ঘটনাৰ লগত জড়িত আছিল ধৃত লোক দুজন। গোপন খবৰৰ ভিত্তিত অভিযান চলাই আৰক্ষীয়ে আটক কৰিলে দুয়োকে।
মুকালমুৱাত পিষ্টলসহ আৰক্ষীয়ে আটক কৰিলে দুজনক। মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া যুগল কিশোৰ কলিতা আৰু এছ আই মকছেদ আলীৰ নেতৃত্বত এক গোপন সুত্ৰৰ খবৰৰ ভিত্তিত মুকালমুৱা আৰক্ষীয়ে অভিযান চলাই আটক কৰে দুয়োজনক। আটকাধীন লোক দুজন সুভাৱ দাস আৰু মাধৱ নাথ বুলি জানিব পৰা গৈছে। লোক দুজনে পিষ্টলৰ ভয় ভাৱুকি দেখুৱাই বিভিন্ন অপৰাধজনিত কামত জড়িত থকা বুলি জানিবলৈ দিয়ে মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া যুগল কিশোৰ কলিতাই। বৰক্ষেত্ৰী ৰাজহ চক্ৰ বিষয়াৰ কাৰ্যালয়ৰ পৰা আহি থকা অৱস্থাত আৰক্ষীয়ে আটক কৰে দুয়োজনক।
দুয়োজনে ভূমি বেচা-কিনা সম্পৰ্কীয় বিভিন্ন কামৰ লগত জড়িত থকা বুলিও জানিব পৰা গৈছে। সম্প্ৰতি ধৃত লোক দুজনক মুকালমুৱা আৰক্ষীয়ে জেৰা চলাই থকা বুলিও জানিব পৰা গৈছে।