মৰিগাঁও, সংবাদ ৩৬৫, ৪ এপ্ৰিল : বিদ্যালয়তে শিক্ষকক ঘেৰাও কৰিলে স্হানীয় ৰাইজে। এই দৃশ্য লাহৰীঘাট শিক্ষা খণ্ডৰ অন্তৰ্গত ধুমকুৰা বালিকা মধ্য ইংৰাজী বিদ্যালয়ৰ। বিদ্যালয়খনৰ এই গৰাকী পূৰ্বৰ ভাৰপ্ৰাপ্ত প্ৰধান শিক্ষক জেহিৰুল ইছলামে যোৱা ৩১ ডিচেম্বৰত বিদ্যালয়খনৰ প্ৰধান শিক্ষকৰ পদৰ পৰা দায়িত্ব আতৰাই বিভাগীয় ভাৱে ১ জানুৱাৰী পৰা মোবাৰক হুছেইন নামৰ শিক্ষক এগৰাকীক প্ৰধান শিক্ষকৰ পদত নিয়োগ কৰে।
আচাৰ্য্যৰ বিষয় যে দায়িত্ব ভাৰ শেষ হোৱাৰ পিছতো পূৰ্বৰ প্ৰধান শিক্ষক জেহিৰুল ইছলামে যোৱা ১৯ জানুৱাৰিত উঠাই আনিছিল বিদ্যালয়খনৰ মধ্যাহ্ন ভোজনৰ চাৰে চাৰি কুইন্টল চাউল । কন কন ছাত্ৰ ছাত্ৰীৰ বাবে দিয়া এই চাউল খিনি আত্মসাৎ কৰাৰ গুৰুত্বৰ অভিযোগ তুলিছে শিক্ষক গৰাকীৰ বিৰুদ্ধে।
ইয়াৰ উপৰিও ১৯ জানুৱাৰীত লাহৰীঘাট সমবায়ৰ পৰা বিদ্যালয়লৈ উঠাই অনা চাউলখিনি বিদ্যালয় আহি নাপালে বুলি স্বীকাৰ কৰিছে বিদ্যালয়খনৰ চতুৰ্থ বৰ্গৰ কৰ্মচাৰীজনে। যাৰ বাবে বৃহস্পতিবাৰে শিক্ষক গৰাকীক স্হানীয় ৰাইজে বিদ্যালয়ৰ চৌহদতে ঘেৰাও কৰি ৰাখিছে । উক্ত ঘটনাৰ অতি শীঘ্ৰে তদন্ত বিচাৰিছে স্হানীয় ৰাইজে।