শদিয়া, সংবাদ ৩৬৫, ৫ মেঃ শদিয়া আৰক্ষীয়ে শনিবাৰে পুৱা এক গোপন সূত্ৰৰ ভিত্তিৰ চলোৱা অভিযানত আলফা (স্বাধীন)ৰ এজন লিংক মেনক আটক কৰিবলৈ সক্ষম হয়। আৰক্ষী সূত্ৰই জানিলৈ দিয়া মতে, গোপন সূত্ৰ ভিত্তিত চলোৱা এই অভিযানত আলফা (স্বাধীন)ৰ লিংক মেন ভৱানন্দ গগৈ ওৰফে দিকলাৰ ওৰফে জিটু গগৈক আটক কৰে। আৰক্ষীয়ে লিংক মেন জনৰ পৰা আৰডিএক্স (১০) জব্দ কৰে। উল্লেখ্য যে, শুক্ৰবাৰে তিনিচুকীয়া জিলাৰ বৰডুমছাত অসম আৰক্ষী, চিআৰপিএফ আৰু সেনাই আলফা (স্বাধীন) বিৰোধী অভিযান চলাওঁতে আলফা (স্বাধীন) আৰু আৰক্ষীৰ মাজত হোৱা সংঘৰ্ষত বৰডুমছা আৰক্ষী চকীৰ আৰক্ষী বিষয়া ভাস্কৰ কলিতা গুলীবদ্ধ হৈ নিহত হৈছিল। আৰক্ষী বিষয়া ভাস্কৰ কলিতা গুলীবদ্ধ হৈ নিহত হোৱাৰ পিছত বৰডুমছাকে ধৰি বিভিন্ন অঞ্চলত অসম আৰক্ষীৰ তৎপৰতা বৃদ্ধি পোৱাত শদিয়া আৰক্ষীয়ে আলফাৰ লিংক মেন জনক আটক কৰে। আৰক্ষীয়ে লিংক মেন জনক আটক কৰি এটা কেছ ৰুজু কৰি জেৰ অব্যহত ৰাখিছে।