কাৰ্বি আংলং, সংবাদ ৩৬৫, ২ জুন : পাহাৰীয়া জিলা পশ্চিম কাৰ্বি আংলঙৰ বৈঠালাংছ’স্থিত টেংৰালাংছ’ত শনিবাৰে কাৰ্বি ছাত্ৰ সন্থাৰ সহযোগ হাইস্কুল আৰু উচ্চতৰ মাধ্যমিক শিক্ষান্ত পৰীক্ষা সুখ্যাতিৰে উত্তীৰ্ণ হোৱা একাংশ ছাত্ৰ-ছাত্ৰীক সম্বৰ্ধনা জনোৱা হয় ৷
টেংৰালাংছ’ হাইস্কুলত অনুষ্ঠিত কৰা সম্বৰ্ধনা অনুষ্ঠানৰ সমান্তৰালকৈ বৃত্তি সম্পৰ্কীয় বিষয়ৰ ওপৰতো আলোচনা আয়োজন কৰা হয় ৷ অনুষ্ঠানত কাৰ্বি ছাত্ৰ সন্থাৰ কেন্দ্ৰীয় সমিতিৰ সভাপতি ছেমছন টেৰন, কাৰ্বি লামেট আমেই সভাপতি লংছিং তিমুং আৰু স্থানীয় বিদ্যালয়সমূহৰ শিক্ষক-শিক্ষয়িত্ৰীসকলে কৃৰ্তী ছাত্ৰ-ছাত্ৰীসকলৰ উজ্জ্বল ভবিষ্যত কামনা কৰি ভাষণ প্ৰদান কৰে ৷