ৰঙিয়া, সংবাদ ৩৬৫, ৮ মেঃ কামৰূপৰ ৰঙিয়া কলেজ সমীপত মঙলবাৰে ৰেলৰ খুন্দাত এজন লোক নিহত হয়। উজনিমুৱা চিফুং এক্সপ্ৰেছৰ খুন্দাত সিদ্ধাৰ্থ কুমাৰ নামৰ এজন লোক থিতাতে নিহত হয়। নিহত সিদ্ধাৰ্থ কুমাৰৰ ঘৰ ৰঙিয়াৰ পিতাম্বৰহাট বজালীত বুলি জানিব পৰা গৈছে। উল্লেখ্য যে ৰেলৰ খুন্দাত নিহত সিদ্ধাৰ্থ কুমাৰ নামৰ লোকজন ৰেলপথ পাৰ হবলৈ চেষ্টা কৰোতে এই দুৰ্ঘটনা সংঘটিত হয়। দুর্ঘটনাস্থলীত ৰঙিয়া আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে। ইয়াৰ পূৰ্বেও কেইবাবাৰো এই স্থানত ৰেলৰ খুন্দাত কেইবাজনো লোকে মৃত্যুক আকোৱালি লব লগিয়া হৈছে।