বৰপেটা, সংবাদ ৩৬৫, ১৯ মে’ : বৰপেটা জিলাৰ জনীয়া সমষ্টিৰ কলগাছিয়াত আজি দৰিদ্ৰ-দুখীয়া ৰাইজৰ মাজত খাদ্য সামগ্ৰী বিতৰণ কৰা হয়। ৰামজান মাহ উপলক্ষে মৌলানা বদৰ উদ্দিন আজমল আজমল ফাউণ্ডেচনৰ তৰফৰ পৰা প্ৰত্যেক বছৰতে ৰমজান মাহ উপলক্ষে খাদ্য সামগ্ৰী বিতৰণ কৰে।
এই খাদ্য সামগ্ৰী সমূহ ২৫ কেজি চাউল, ৩ কেজি ডাউল, ৩ কেজি বুটমাহ, ৩ কেজি মিঠাতেল, ৩ কেজি চেনী আৰু ২ কেজি খেজুৰ বিতৰণ কৰে। এই সামগ্ৰী সমূহ এক হেজাৰ দুখীয়া ৰাইজৰ মাজত বিতৰণ কৰা হব বুলি জনীয়াৰ প্ৰাক্তন এ আই ইউ ডি এফৰ বিধায়ক হাফিজ ৰফিকুল ইছলামে জানিবলৈ দিয়ে।
খাদ্য সামগ্ৰী সমূহ বিতৰণ কৰাৰ বাবে প্ৰাক্তন বিধায়ক গৰাকীয়ে আজমল ফাউণ্ডেচনক ধন্যবাদ জ্ঞাপন কৰে। এইবাৰ গোটেই অসমতে বিতৰণ কৰা হৈছে খাদ্য । ইতিমধ্যে বৰপেটা, জনীয়া, বাঘবৰ আৰু চেঙাত বিতৰণ কৰা হৈছে আৰু আজি জনীয়া সমষ্টিৰ কলগাছিয়াত বিতৰণ কৰি আছে। অসমৰ বিভিন্ন জেইলখানা তথা ডিটেনশ্যন কেম্পত ইফতাৰৰ যোগান দিছে আজমল ফাউণ্ডেচন।