ৰঙিয়া, সংবাদ ৩৬৫, ৩১ মাৰ্চ : ৰঙিয়াৰ বালাবন গাঁৱত আৰক্ষীৰ অভিযান । অভিযানত জব্দ কেইবা কোটি টকা মূল্যৰ ড্ৰাগছ, আফিং ।
বালাবন গাঁৱৰ আবুল আলী নামৰ যুৱকৰ ঘৰত আৰক্ষীৰ অভিযান। এই অভিযানত আৰক্ষীয়ে জব্দ কৰিছে ১২০ গ্ৰাম ড্ৰাগছ, ২ কেজি ৫০০ গ্ৰাম আফিং আৰু এটা টকা হিচাপ কৰা যন্ত্ৰ । এই সামগ্ৰীখিনিৰ মূল্য কেইবা কোটি টকা হব বুলি আৰক্ষীয়ে সন্দেহ কৰিছে ।
উক্ত অভিযানত এই সৰবৰাহৰ লগত জড়িত এজন যুৱকক আৰক্ষীয়ে কৰায়ত্ব কৰিবলৈ সক্ষম হৈছে । আটকাধীন যুৱকজন হৈছে ৰঙিয়াৰ বালাবন গাঁৱৰ আবুল আলী । সৰবৰাহকাৰী যুৱকজনক সম্প্ৰতি আৰক্ষীয়ে জেৰা অব্যাহত ৰাখিছে । হয়তো আৰক্ষীৰ তদন্তত ওলাই পৰিব ড্ৰাগছ সৰবৰাহত জড়িত আনসকল ৰৌ-বৰালি ।