নিউজ ডেস্ক, ১ ফেব্ৰুৱাৰী, ২০২৬ : ২০২৫-২৬ বিত্তীয় বৰ্ষৰ বৰ্তমানলৈকে উত্তৰ-পূব সীমান্ত ৰে’লৱেই ৰে’লৱে আন্তঃগাঁথনিৰ বিকাশ আৰু সুৰক্ষা বৃদ্ধিত যথেষ্ট অগ্ৰগতি লাভ কৰিছে, যিয়ে অঞ্চলটোত সুৰক্ষিত, নিৰ্ভৰযোগ্য আৰু যাত্ৰী-অনুকূল ৰে’ল সেৱাসমূহ (Rail Service) প্ৰদানৰ প্ৰতি ইয়াৰ প্ৰতিশ্ৰুতিকেই পুনৰ নিশ্চিত কৰি তুলিছে। এই সময়ছোৱাত মণ্ডল অভিযান্ত্ৰিক বিভাগে গুৰুত্বপূৰ্ণ পদক্ষেপ গ্ৰহণ কৰি ট্ৰেকৰ সুৰক্ষা, যাত্ৰী সুবিধা আৰু পৰিচালন দক্ষতাত উল্লেখযোগ্য প্ৰগতি প্ৰদৰ্শন কৰিবলৈ সক্ষম হৈছে।
যাত্ৰী সুৰক্ষাক শীৰ্ষ অগ্ৰাধিকাৰ দিয়া হৈছে, য’ত ৯ খন ৰোড ওভাৰ ব্ৰিজৰ (আৰঅ’বি) কমিছনিং আৰু ৮ খন ৰোড আণ্ডাৰ ব্ৰিজ (আৰইউবি) সম্পূৰ্ণ কৰা হৈছে, যি পূৰ্ব বছৰৰ এই একেই সময়ছোৱাত লাভ কৰা সফলতাসমূহক অতিক্ৰম কৰিছে। ইয়াৰ উপৰিও, ৰে’লৰ পৰিচালনত সুৰক্ষা বৃদ্ধি কৰিবলৈ ২১ খন মানৱ নিযুক্ত লেভেল ক্ৰছিং গেট বন্ধ কৰা হৈছে। এই পদক্ষেপসমূহে দুৰ্ঘটনাপ্ৰৱণ স্থানসমূহ যথেষ্ট হ্ৰাস কৰাৰ লগতে উত্তৰ-পূব সীমান্ত ৰে’লৱেৰ নেটৱৰ্কৰ সুৰক্ষা আন্তঃগাঁথনিক শক্তিশালী কৰিছে। ১২ খন ব্ৰিজৰ গাৰ্ডাৰ পৰিৱৰ্তনৰ জৰিয়তে পুনৰ্বাসন কৰা হৈছে আৰু ৭৭ খন সেতুত পদপথ প্ৰদান কৰি সেতুৰ আন্তঃগাঁথনি শক্তিশালী কৰা হৈছে, যাতে সুৰক্ষিত পৰীক্ষণ আৰু ৰক্ষণাবেক্ষণ সহজ হয়, যাৰ ফলত দীৰ্ঘম্যাদী সম্পত্তিৰ নিৰ্ভৰযোগ্যতা বৃদ্ধি হয়।
ট্ৰেক নবীকৰণ আৰু শক্তিশালীকৰণৰ কামকাজসমূহে এই সময়ছোৱাত যথেষ্ট অগ্ৰগতিৰ অভিলেখ গঢ়ি তুলিছে। ৩৩৭.৪ কিলোমিটাৰ ৰে’ল নবীকৰণ আৰু ৩২৯ কিলোমিটাৰ শ্লীপাৰ নবীকৰণ সম্পূৰ্ণ কৰা হৈছে, যি পূৰ্ব বছৰৰ প্ৰদৰ্শনক অতিক্ৰম কৰিছে। ট্ৰেকৰ স্থিৰতা আৰু ভ্ৰমণৰ আৰাম বৃদ্ধি কৰিবলৈ মুঠ ৭.৬৪৯ লাখ ঘনমিটাৰ বালাষ্টৰ নবীকৰণ কাৰ্য্য সম্পাদন কৰা হৈছে। ইয়াৰ উপৰিও, ১৬ টা স্থায়ী গতি অৱৰোধক অপসাৰণ কৰি সমগ্ৰ নেটৱৰ্কত ৰে’লৰ গতিশীলতা আৰু সময়ানুৱৰ্তিতাত অৰিহণা যোগাইছে। জনসাধাৰণৰ ব্যৱহাৰৰ বাবে যাত্ৰীৰ সুবিধা আৰু ষ্টেচনৰ আন্তঃগাঁথনি ১৩ খন ফুট ওভাৰ ব্ৰিজ আৰু ৩ খন প্লেটফৰ্মৰ উচ্চতা উন্নত কৰাৰ বাবে বৃদ্ধি কৰা হৈছে। ৭ টা ষ্টেচনত প্লেটফৰ্মৰ উচ্চতাৰ বৃদ্ধিৰ কামকাজ সম্পূৰ্ণ কৰা হৈছে, লগতে ১৮ খন পেছেঞ্জাৰ প্লেটফৰ্ম শ্বেডৰ নিৰ্মাণ আৰু ১০ খন প্লেটফৰ্মৰ সম্প্ৰসাৰণ কৰা হৈছে।
অমৃত ভাৰত ষ্টেচন আঁচনিৰ অধীনত হয়বৰগাঁও ষ্টেচনৰ নিৰ্মাণ কাৰ্য্য ইতিমধ্যে সম্পূৰ্ণ কৰা হৈছে, যি আধুনিক, যাত্ৰীকেন্দ্ৰিক ষ্টেচন সুবিধাসমূহৰ দিশত এক গুৰুত্বপূৰ্ণ অগ্ৰগতি ৰূপে পৰিগণিত হৈছে। টাৰ্নআউটৰ নবীকৰণ আৰু গুৰুত্বপূৰ্ণ স্থানসমূহত ট্ৰেকৰ সুৰক্ষাৰ দিশতো অগ্ৰগতি লাভ কৰা হৈছে। মুঠ ১৯৭ টা টাৰ্নআউটৰ নবীকৰণ সম্পূৰ্ণ কৰা হৈছে, লগতে ১৮০ টা থিক ৱেব চুইচ আৰু ১৬৫ টা ৱেল্ডেবল চিএমএছ ক্ৰছিং অন্তৰ্ভূক্তিৰে পইণ্ট আৰু ক্ৰছিংসমূহত সুৰক্ষা বৃদ্ধি কৰা হৈছে। ইয়াৰ উপৰিও, ১৯ টা ত্ৰুটিপূৰ্ণ লেআউট সংশোধন কৰা হৈছে, আৰু ২০৭ টা টাৰ্নআউট স্থানত ডিপ স্ক্ৰীনিং কৰা হৈছে, যাৰ ফলত ট্ৰেকৰ উপাংশসমূহৰ উন্নত নিৰ্ভৰযোগ্যতা আৰু প্ৰদৰ্শন নিশ্চিত হৈছে।
যান্ত্ৰিক ট্ৰেক ৰক্ষণাবেক্ষণে এক লক্ষ্যনীয় সফলতা অৰ্জন কৰিবলৈ সক্ষম হৈছে, য’ত দহটা পিকিউআৰএছ পৰ্টেলে ২০২৫ বৰ্ষৰ ডিচেম্বৰ মাহত চিটিআৰ/টিআৰএছ(পি) কাৰ্য্যৰ ৪৮.১৫ কিলোমিটাৰৰ মাহিলী অভিলেখ সংখ্যক অগ্ৰগতি লাভ কৰিছে, যি উত্তৰ-পূব সীমান্ত ৰে’লৱেৰ বাবে সকলো সময়তে সৰ্বোচ্চ ৰূপে পৰিগণিত হৈছে। ২০২৫ বৰ্ষৰ ডিচেম্বৰলৈকে সামগ্ৰীক যান্ত্ৰিক অগ্ৰগতি ২৫১ কিলোমিটাৰত উপনীত হৈছে, যি পূৰ্ব বছৰৰ এই একেই সময়ছোৱাৰ তুলনাত ১০০ শতাংশ বৃদ্ধিকে প্ৰতিফলিত কৰিছে লগতে ৰে’লৱেৰ আধুনিক ৰক্ষণাবেক্ষণ পদ্ধতিৰ ওপৰত থকা গুৰুত্বকেই প্ৰতিফলিত কৰিছে। উপযুক্ত সম্পদৰ ব্যৱহাৰে উন্নত বিত্তীয় প্ৰদৰ্শন কঢ়িয়াই আনিছে, য’ত ভূমি ব্যৱহাৰ আৰু দোকান ও ছাইডিং লাইচেন্সিঙৰ জৰিয়তে ৪৩ কোটি টকাৰ ৰাজহ লাভ কৰা হৈছে, যি পূৰ্ব বছৰৰ তুলনাত বৃদ্ধি প্ৰতিফলিত কৰিছে।
ইয়াৰ উপৰিও, ১৫ কিলোমিটাৰ প্ৰতি ঘণ্টাৰ পৰা ৩০ কিলোমিটাৰ প্ৰতি ঘণ্টালৈ গতি বৃদ্ধি কৰি লুপ লাইনত গতি বৃদ্ধি কাৰ্য্য ২৯ টা ষ্টেচনত সম্পূৰ্ণ কৰা হৈছে, যি সুগম ৰে’লৰ পৰিচালন আৰু বৰ্ধিত দক্ষতাত অৰিহণা যোগাইছে। এই সফলতাসমূহে সাময়িকভাৱে উত্তৰ-পূব সীমান্ত ৰে’লৱেৰ আন্তঃগাঁথনিৰ বৃদ্ধি, সুৰক্ষা বৃদ্ধি আৰু যাত্ৰী সুবিধাৰ ওপৰত স্থায়ী গুৰুত্বকেই প্ৰদৰ্শন কৰিছে। আধুনিকীকৰণ আৰু সামৰ্থ্য নিৰ্মাণৰ ওপৰত অবিৰত গুৰুত্ব প্ৰদানৰ সৈতে উত্তৰ-পূব সীমান্ত ৰে’লৱেই অঞ্চলটোত ৰে’ল যোগাযোগ শক্তিশালী কৰণত এক নিৰ্ভৰযোগ্য ৰেলৱে নেটৱৰ্ক নিৰ্মাণৰ প্ৰতি ইয়াৰ প্ৰতিশ্ৰুতিতে সমৰ্পিত হৈ আছে।