নিউজ ডেস্ক, ২৯ আগষ্ট, ২০২৪ : প্ৰতিষ্ঠিত অমৃত ভাৰত ষ্টেচন আঁচনিৰ (ABSS) অধীনত উত্তৰ-পূব সীমান্ত ৰে’লৱেই ইয়াৰ অধীক্ষেত্ৰৰ ভিতৰত ৯১ টা ষ্টেচনত পুনৰ্বিকাশৰ কাম চলাই আছে। যাত্ৰী অভিজ্ঞতাক পৰিৱৰ্তন কৰাৰ বাবে ভাৰতীয় ৰে’লৱেৰ বৃহত্তৰ দৃষ্টিভংগীৰ অংশ হিচাপে পুনৰ্বিকাশ আঁচনিৰ অধীনত নিৰ্দ্দিষ্ট তালিকাবদ্ধ ষ্টেচনত আন্তঃগাঁথনি আৰু সা-সুবিধাসমুহ উন্নত কৰাৰ লক্ষ্য হিচাপে, ৰে’ল যাত্ৰীসকলৰ বাবে এক আধুনিক আৰু আৰামদায়ক পৰিৱেশ নিশ্চিত কৰাৰ উদ্দেশ্যে এই পদক্ষেপসমূহ লোৱা হৈছে।
অমৃত ভাৰত ষ্টেচন আঁচনিখন ষ্টেচন ভৱনৰ আধুনিকীকৰণ, প্ৰৱেশ-প্ৰস্থানৰ সুবিধা উন্নত কৰা আৰু অত্যাধুনিক সা-সুবিধা প্ৰদান কৰি যাত্ৰীসকলৰ সামগ্ৰিক অভিজ্ঞতা বৃদ্ধি কৰাৰ বাবে প্ৰস্তুত কৰা হৈছে। কামাখ্যা, ৰঙিয়া, ৰঙাপাৰা নৰ্থ, ধুবুৰী, লামডিং, নিউ তিনিচুকীয়া, ডিব্ৰুগড়, ডিফু, বাৰচোই, কিষাণগঞ্জ, নিউ জলপাইগুড়ী, নিউ আলিপুৰদুৱাৰ, ৰংপো, আগৰতলা, উদয়পুৰ, মেন্দিপথাৰ, ডিমাপুৰ, নাহৰলগুন আদি হৈছে উত্তৰ পূব সীমান্ত ৰেলৱেৰ অন্তৰ্গত এবিএছএছৰ অধীনত ৯১ টা ষ্টেচনৰ ভিতৰত কেইটামান ষ্টেচন য’ত ৰূপান্তৰণৰ কাম দ্ৰুতগতিত চলি আছে যাতে নিৰ্দিষ্ট সময়সীমাৰ ভিতৰত উচ্চ মানদণ্ডৰ আন্তঃগাঁথনিৰ নিৰ্মাণৰ কাম সম্পন্ন কৰিব পৰা যায়।
নিৰ্মাণাধীন কিছুসংখ্যক কামৰ ভিতৰত সহজ যোগাযোগ আৰু যাতায়তৰ বাবে এফওবি নিৰ্মাণ, ষ্টেচনৰ বিস্তৃত এলেকাৰ বিকাশ, দুচকীয়া আৰু চাৰিচকীয়া বাহন উভয়ৰে বাবে অতিৰিক্ত কাভাৰ্ড পেছেঞ্জাৰ পাৰ্কিং শ্বেড, সাধাৰণ আৰু দিব্যাংগজন যাত্ৰীৰ বাবে আধুনিক শৌচালয়, শ্বপিং কমপ্লেক্স, প্ৰতীক্ষাৰ বাবে উন্নত এলেকা, আগতীয়া টিকেটিং প্ৰণালীৰ সৈতে প্ৰশস্ত এলেকা ইত্যাদি কাৰ্যসমূহ নিউ মাল জংচন, কোকৰাঝাৰ, ফকিৰাগ্ৰাম, হাচিমাৰা, ধুবুৰী, গোসাইগাঁও হাট, গৌৰীপুৰ, ধুপগুড়ী, দিনহাটা, দলগাঁও, বিন্নাগুড়ী, জলপাইগুড়ী ৰোড, কামাখ্যাগুৰী, লংকা, হোজাই, চাপৰমুখ ইত্যাদি ষ্টেচনসমূহত নিৰ্মাণাধীন পৰ্যায়ত আছে। উত্তৰ পূব সীমান্ত ৰে’লৱেৰ অধীনৰ সমগ্ৰ ৯১ টা ষ্টেচনত এনে সা-সুবিধাসমূহৰ লগতে চিচিটিভি কেমেৰা স্থাপন, উন্নত আলোকসজ্জা আৰু ভিৰ ব্যৱস্থাপনাৰ ব্যৱস্থাকে ধৰি অন্যান্য সা-সুবিধাসমূহ প্ৰদান কৰা হ’ব যাতে অধিক সুৰক্ষিত পৰিৱেশ প্ৰদান কৰিব পৰা যায়।
আনকি কুশল বিদ্যুৎ সম্পন্ন আলোকসজ্জা, বৰষুণৰ পানী সংগ্ৰহ প্ৰণালী আৰু পৰিৱেশ-অনুকূল সামগ্ৰীৰ ব্যৱহাৰৰ সৈতে বহন ক্ষমতা ইয়াৰ মূলমন্ত্ৰ হ’ব। ষ্টেচনৰ উন্নত সন্মুখভাগৰ সৈতে উন্নত পাৰ্কিং এলেকা থকা সুবিধাসমূহ, সৌন্দৰ্যপূৰ্ণ স্থানীয় শিল্পী আৰু সংস্কৃতিৰ সৈতে অঞ্চলটোৰ সমৃদ্ধ ঐতিহ্য প্ৰতিফলিত কৰা হ’ব, ৰে’ল যাত্ৰীসকলৰ বাবে অভিনন্দন সমৃদ্ধিৰ এক পৰিৱেশ সৃষ্টি হ’ব।
অমৃত ভাৰত ষ্টেচন আঁচনি হৈছে নৱ ভাৰতৰ আশা-আকাংক্ষাক পৰিপূৰণ কৰা এক আধুনিক আৰু সুদক্ষ ৰে’লৱে নেটৱৰ্কৰ দৃষ্টিভংগীক বাস্তৱিক কৰাৰ দিশত এক পৰিৱৰ্তনশীল পদক্ষেপ। এই পুনৰ্বিকাশ প্ৰকল্পসমূহে সুৰক্ষিত, দক্ষ আৰু নিৰ্ভৰযোগ্য ৰে’ল সেৱা প্ৰদান কৰি সেৱা উৎকৰ্ষতাৰ ক্ষেত্ৰত নতুন মাপকাঠি স্থাপন নিশ্চিত কৰাৰ বাবে উত্তৰ পূব সীমান্ত ৰেলৱেই একনিষ্ঠভাৱে কাম কৰি অঞ্চলটোৰ আৰ্থ-সামাজিক বিকাশত অৰিহণা যোগাই আহিছে।