বৰপেটা, সংবাদ ৩৬৫, ২৪ নৱেম্বৰ : বৰপেটা জিলাৰ সৰভোগৰ ৩১ নম্বৰ ৰাষ্ট্ৰীয় ঘাইপথত শনিবাৰৰ নিশা সংঘটিত হয় এক ভয়াবহ পথ দুৰ্ঘটনা। হাউলীত ৰাস চাবলৈ গৈ মৃত্যুক সাবটি ল’লে দুই যুৱকে।
বিজনীৰ তিনি যুৱক ক্ৰমে সঞ্জয় দাস , প্ৰকাশ দাস আৰু শুভাংকৰ মালাকাৰ নামৰ যুৱক তিনিজনে হাউলীত অনুষ্ঠিত হৈ থকা ৰাস চাবলৈ গৈ থকা অৱস্থাত নম্বৰপ্লেট বিহীন এখন ট্ৰেক্টৰৰ লগত মুখামুখী সংঘৰ্ষ হয় । দুৰ্ঘটনাটোত থিতাতে নিহত হয় সঞ্জয় দাস আৰু শুভাংকৰ মালাকাৰ।
আনহাতে উক্ত দুৰ্ঘটনাটোত গুৰুত্বৰভাৱে আহত হয় প্ৰকাশ দাস। সংকট জনক অৱস্থাত বৰপেটা মেডিকেল কলেজলৈ প্ৰেৰণ কৰা হয় যুৱকজনক।
ইফালে সৰভোগ আৰক্ষীয়ে দুৰ্ঘটনা সংঘটিত কৰা ট্ৰেক্টৰখন জব্দ কৰে যদিও ট্ৰেক্টৰৰ চালকজন পলায়ন যাবলৈ সক্ষম হয়।
উল্লেখ্য যে দুৰ্ঘটনাত পতিত হোৱা বাইকখনৰ নম্বৰ এ এছ ১৮ডি০৯৬৭।