ৰঙিয়া, ২ জানুৱাৰী, ২০২৪ : ভয়ংকৰ অগ্নিকাণ্ডৰ ঘটনা (Fire Incident)। জুইত জাহ গ’ল কেইবালক্ষাধিক টকাৰ সম্পত্তি। ৰে’ল গেটত অগ্নি নিৰ্বাপক বাহিনীৰ গাড়ী ১৫ মিনিট সময় ধৰি আৱদ্ধ হৈ থকাৰ ফলত ভস্মীভূত হয় চাৰিখনকৈ দোকান। ক্ষোভত জ্বলি উঠিল স্থানীয় ৰাইজ। চৰকাৰক ক্ষতিপূৰণ দিয়াৰ দাবী ভুক্তভোগী লোক সকলৰ।
নতুন বছৰৰ দ্বিতীয়টো দিনাই ৰাজ্যত সংঘটিত হৈছে এক ভয়ংকৰ অগ্নিকাণ্ডৰ ঘটনা। এই ভয়ংকৰ অগ্নিকাণ্ডৰ ঘটনাত ভস্মীভূত হয় চাৰিখনকৈ দোকান। জাহ যায় কেইবালক্ষাধিক টকাৰ সম্পত্তি। জুই নিৰ্বাপন কৰিবলৈ অগ্নি নিৰ্বাপক বাহিনীৰ গাড়ী ঘটনাস্থলীত আহি থকা অৱস্থাত ৰে’ল গেটত আৱদ্ধ হৈ পৰে অগ্নি নিৰ্বাপক বাহিনীৰ গাড়ী ফলত চাৰিখনকৈ দোকান সম্পূৰ্ণৰূপে জুইত জাহ যায়।
মঙলবাৰে পুৱাৰ ভাগতে ৰঙিয়াৰ তুলসীবাৰীত সংঘটিত হয় এক ভয়ংকৰ অগ্নিকাণ্ডৰ ঘটনা। অগ্নিকাণ্ডত নিমিষতেই ভস্মীভূত হয় কেইবাখনো দোকান। জুইৰ লেলিহান শিখা কেইবাখনো দোকানলৈ বিয়পি পৰাত এক আতংকময় পৰিস্থিতিৰ সৃষ্টি হয় অঞ্চলটোত। অগ্নিকাণ্ডৰ কাৰণ জানিব পৰা হোৱা নাই যদিও বিদ্যুৎ বিজুতিৰ ফলত জুইৰ সূত্ৰপাত হোৱা বুলি সন্দেহন প্ৰকাশ কৰে স্থানীয় ৰাইজৰ। এই ভয়ংকৰ অগ্নিকাণ্ডৰ ঘটনাত তুলসীবাৰীৰ চাৰিখনকৈ দোকান সম্পূৰ্ণৰূপে ভস্মীভূত হয়।
অগ্নিকাণ্ডত কেইবাটাও ৰন্ধন গেছৰ চিলিণ্ডাৰ বিস্ফোৰণ হোৱাত পৰিস্থিতি অধিক ভয়াবহ হৈ উঠে আৰু ৰাইজ আতংকিত হৈ পৰে। স্থানীয় ৰাইজে জুই নিৰ্বাপনৰ চেষ্টা চলায় যদিও জুই নিৰ্বাপন কৰিবলৈ ব্যৰ্থ হয়। ৰাইজে অগ্নিকাণ্ডৰ ঘটনা সন্দৰ্ভত অগ্নি নিৰ্বাপক বাহিনীক খবৰ দিয়াত অগ্নি নিৰ্বাপক বাহিনীৰ কেইবাখনো গাড়ী ঘটনাস্থলীত উপস্থিত হৈ দীর্ঘসময় ধৰি প্ৰচেষ্টা চলাই জুই নিৰ্বাপন কৰিবলৈ সক্ষম হয়।
ৰঙিয়া তিনিআলিত উৰণীয়া সেঁতু নথকাৰ বাবে সম্পূৰ্ণৰূপে ভস্মীভূত হয় দোকান চাৰিখন। ঘটনাস্থলীলৈ অগ্নি নিৰ্বাপক বাহিনীৰ গাড়ী আহি থকা সময়ত ৰঙিয়া তিনিআলি ৰে’ল গেটত প্ৰায় ১৫ মিনিট সময় অগ্নি নিৰ্বাপন বাহিনীৰ গাড়ী আৱদ্ধ হৈ পৰাৰ ফলত সম্পূৰ্ণৰূপে ভস্মীভূত হয় তুলসীবাৰীত চাৰিখনকৈ দোকান। ফলত ক্ষোভত জ্বলি উঠে ৰাইজ। চৰকাৰক ক্ষতিপূৰণ দিবলৈ দাবী জনায় ভুক্তভোগী পৰিয়াল কেইটাই। বৰ্তমানলৈকে ক্ষয় ক্ষতিৰ পৰিমান জানিব পৰা হোৱা নাই যদিও অগ্নিকাণ্ডত কেইবালক্ষাধিক টকাৰ সম্পত্তি জাহ যোৱা বুলি ৰাইজে জানিবলৈ দিয়ে।