নিউজ ডেস্ক, ৩০ জানুৱাৰী, ২০২৪ : গৰু চোৰৰ সন্দেহত ৰাজ্যত সংঘটিত হৈছে দুটাকৈ ভয়ংকৰ ঘটনা। গৰু চোৰৰ সন্দেহত চাৰিজনকৈ যুৱকক গণ প্ৰহাৰ। দুখনকৈ বিলাসী বাহনত অগ্নি সংযোগ। গণ প্ৰহাৰত গুৰুত্বৰভাৱে আহত যুৱক চাৰিজন (Four Injured due to Mob Lyinching)। আৰক্ষীয়ে উদ্ধাৰ কৰি সংকটজনক অৱস্থাত চিকিৎসালয়ত ভৰ্তি কৰে যুৱক চাৰিজনক। ঘটনা সন্দৰ্ভত আৰক্ষীৰ তদন্ত অব্যাহত।
ৰাজ্যৰ বিভিন্ন প্ৰান্তত দিনক দিনে বৃদ্ধি পাইছে গৰু চুৰিৰ ঘটনা। বিভিন্ন সময়ত গৰু চোৰে বিলাসী বাহন ব্যৱহাৰ কৰি সংঘটিত কৰি আহিছে গৰু চুৰি। এইবাৰ গৰু চোৰৰ সন্দেহত ৰাজ্যত সংঘটিত হৈছে দুটাকৈ ভয়ংকৰ ঘটনা। গৰু চোৰৰ সন্দেহত ৰাজ্যত সংঘটিত হৈছে এক ভয়ংকৰ গণ প্ৰহাৰৰ ঘটনা। এই গণ প্ৰহাৰৰ ঘটনাত গুৰুত্বৰভাৱে আহত হৈছে চাৰিজনকৈ যুৱক। সংকটজনক অৱস্থাত গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হৈছে যুৱক চাৰিজনক।
নলবাৰী জিলাত সংঘটিত হৈছে এই ভয়ংকৰ গণ প্ৰহাৰৰ ঘটনা। নলবাৰী জিলাৰ দোকোহাত পুৱতি নিশা সংঘটিত হয় এই ভয়ংকৰ গণ প্ৰহাৰৰে ঘটনা। গৰু চোৰৰ সন্দেহত চাৰিজনকৈ যুৱকক নৃশংসভাৱে আক্ৰমণ কৰে একাংশ লোকে। ঘটনাৰ খবৰ পাই ঘটনাস্থলীত আৰক্ষী উপস্থিত হৈ মূৰ্মূৰ্ষ অৱস্থাত যুৱক চাৰিজনক উদ্ধাৰ কৰি নলবাৰী চিকিৎসা মহাবিদ্যালয়ত ভৰ্তি কৰে যদিও পৰৱৰ্তী সময়ত উন্নত চিকিৎসা বাবে যুৱক চাৰিজনক গুৱাহাটী চিকিৎসা মহাবিদ্যালয় হাস্পতাল লৈ প্ৰেৰণ কৰা হয়।
উন্মত্ত ৰাইজে জ্বলাই দিয়ে যুৱক।চাৰিজনৰ এখন ছুইফট ডিজায়াৰ বাহনো। জানিব পৰা মতে, পুৱতি নিশা যুৱক চাৰিজনক প্ৰত্যক্ষ কৰি ৰাইজে যুৱক চাৰিজনক গৰু চোৰ সন্দেহত আক্ৰমণ কৰে। গণ প্ৰহাৰত গুৰুত্বৰভাৱে অহাত হোৱা যুৱক চাৰিজনৰ ভিতৰত এজন যুৱক কটপুহাৰৰ আৰু বাকী তিনিজন যুৱক ৰাইমাধাৰ বুলি জানিব পৰা গৈছে। ইফালে সমগ্ৰ ঘটনা সন্দৰ্ভত নলবাৰী আৰক্ষীয়ে তদন্ত অব্যাহত ৰাখিছে। যুৱক চাৰিজন প্ৰকৃততে গৰু চুৰ কৰিবলৈ আহিছিল নে নাই আৰক্ষীৰ তদন্তৰ পিছতে পোহৰলৈ আহিব।
আনহাতে গৰু চুৰিৰ সন্দেহত আন এক ভয়ংকৰ ঘটনা সংঘটিত হৈছে মহানগৰী গুৱাহাটীৰ কাষৰীয়া অঞ্চল চন্দ্ৰপুৰত। গৰু চুৰিকাণ্ডত ব্যৱহাৰ কৰা এখন বিলাসী বাহন জ্বলাই দিয়ে ৰাইজে। জানিব পৰা মতে, ৰাইজৰ হাতত ধৰা পৰাৰ ভয়ত গৰু চোৰে বিলাসী বাহন এৰি পলায়ন কৰে। পিছত উত্তেজিত ৰাইজে গৰু চোৰে এৰি যোৱা বাহনখন জ্বলাই দিয়ে। ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে।