গোলাঘাট, ২৮ জানুৱাৰী, ২০২৫ : ৰাষ্ট্ৰীয় কন্যা শিশু দিৱস উপলক্ষে, কেইৰ্ণ তেল আৰু গেছে (Oil And Gas) গোলাঘাটৰ জিলা সমাজ কল্যাণ বিভাগৰ সহযোগত বৰপথাৰ উচ্চতৰ মাধ্যমিক বিদ্যালয়ত সচেতনতা শিবিৰ আয়োজন কৰে। এই কাৰ্যসূচীত প্ৰায় ৫০০ গৰাকী ছাত্ৰ-ছাত্রী আৰু ১৮ গৰাকী বিদ্যালয়ৰ কৰ্মচাৰীয়ে অংশগ্ৰহণ কৰে। কার্যসূচীটোৱে মূলত কন্যা শিশু সকলক সবলীকৰণ কৰাৰ ওপৰত আৰু তেওঁলোকৰ শিক্ষাৰ ক্ষেত্ৰত সজাগতাৰ ওপৰত কেন্দ্ৰিত আছিল।
প্ৰতি বছৰ ২৪ জানুৱাৰীত উদযাপন কৰা ৰাষ্ট্ৰীয় কন্যা শিশু দিৱস, ২০০৮ চনত মহিলা আৰু শিশু উন্নয়ন মন্ত্ৰণালয়ে আৰম্ভ কৰিছিল। মূল উদ্দেশ্য আছিল লৈলৰ সমান অধিকাৰ আৰু সমাজত তেওঁলোকৰ মুখামুখি হোৱা প্ৰত্যাহ্বানসমূহৰ প্ৰতি দৃষ্টি আকর্ষণ কৰা। এই বছৰ দিৱসৰ থিম আছিল, “কন্যাসকলৰ উজ্জ্বল ভৱিষ্যতৰ বাবে সবলীকৰণ।” সমাজ কল্যাণ বিভাগৰ প্ৰতিনিধি মঞ্জোলিকা গগৈয়ে শিক্ষাৰ ওপৰত আৰু কন্যাসকলক সমাজৰ উন্নয়নৰ প্ৰাণকেন্দ্ৰ হিচাপে চিহ্নিত কৰাৰ প্ৰয়োজনীয়তাৰ ওপৰত আলোকপাত কৰে।
বিদ্যালয়ৰ প্ৰতিনিধি সকলৰ উদ্বোধনী ভাষণে ছাত্ৰ-ছাত্ৰীক উত্তমতালৈ আগুৱাবলৈ আৰু সীমা ভাঙি প্ৰয়াস কৰিবলেৰে অনুপ্ৰাণিত কৰে। সচেতনতা সভাৰ মুখ্য বৈশিষ্ট্য আছিল অসম চৰকাৰৰ কন্যা বিবাহ ৰোধ অভিযানৰ পৰিচয় দিয়া আৰু ছাত্ৰ-ছাত্রী তথা সামগ্ৰিক সমাজক কন্যাসকলৰ বাবে নিৰাপদ, সমতামূলক পৰিৱেশ সৃষ্টি কৰাত আহ্বান জনোৱা। এই দিনটো কন্যাসকলৰ শিক্ষাৰ, স্বাস্থ্যৰ, আৰু বিকাশৰ প্ৰয়োজনীয়তাৰ কথা মনত পেলায়। কেইৰ্ণে এই উদ্দেশ্যত ইতিমধ্যে শিশুসকলৰ বাবে প্ৰাথমিক শিক্ষাৰ, স্বাস্থ্যসেৱাৰ, আৰু দক্ষতাৰ ওপৰত সচেতনতা সৃষ্টি কৰিবলৈ বিভিন্ন অনুষ্ঠানৰ আয়োজন কৰিছে।
কেইৰ্ণ তেল আৰু গেছ হৈছে ভাৰতৰ আটাইতকৈ ডাঙৰ বেচৰকাৰী তেল আৰু গেছৰ অনুসন্ধান আৰু উৎপাদন কোম্পানী। ই দেশৰ অভ্যন্তৰীণ খাৰুৱা তেলৰ চাহিদাৰ প্ৰায় এক চতুৰ্থাংশ যোগান ধৰিছে। কেইৰ্ণৰ বিভিন্ন ৰাজ্যত উৎপাদনক্ষেত্ৰ আছে, যেনে ৰাজস্থান, অন্ধ্ৰপ্ৰদেশ, গুজৰাট আৰু অসম। কোম্পানীটোৱে বিগত ৩০ বছৰত বিভিন্ন প্ৰযুক্তিগত উদ্ভাৱনৰ মাধ্যমেৰে দেশৰ শক্তি নিৰাপত্তাত অৱদান ৰাখিছে। আনহাতে, কেইৰ্ণ ২০৩০ চনৰ ভিতৰত ‘নেট জিৰো’ লক্ষ্য পূৰণৰ সংকল্প কৰিছে আৰু পৰিৱেশ সম্পৰ্কীয় উদ্যোগত গুৰুত্ব আৰোপ কৰিছে। এছাত, ই সমাজৰ ওপৰত ইতিবাচক প্ৰভাৱ বিস্তাৰ কৰাৰ লক্ষ্যৰে বিভিন্ন সামাজিক কাৰ্যসূচী গ্ৰহণ কৰিছে। এইবোৰে কোম্পানীটোক সকলো দিশৰ পৰা উন্নত আৰু দায়িত্বশীল সংস্থা হিচাপে গঢ়ি তুলিছে।