নিউজ ডেস্ক, ৪ এপ্ৰিল, ২০২৫ : উত্তৰ-পূব সীমান্ত ৰে’লৱেৰ (NF Railway) অধীনৰ নিউ বঙাইগাঁও ৱৰ্কশ্বপই ২০২৫ চনৰ মাৰ্চ মাহত কেইবাটাও গুৰুত্বপূৰ্ণ পদক্ষেপ সফলতাৰে সম্পূৰ্ণ কৰে, যাৰ দ্বাৰা ৰে’ল পৰিচালনত দক্ষতা, মানদণ্ড আৰু আধুনিকীকৰণৰ দিশত ইয়াৰ প্ৰতিশ্ৰুতি শক্তিশালী কৰি তুলিছে। ৱৰ্কশ্বপটোৱে বৰ্ধিত দক্ষতা আৰু ভৱিষ্যতৰ পৰিপ্ৰেক্ষিতত পুংখানুপুংখ ৰেকৰ্ড বজাই ৰাখি ৰে’লৱে ব’ৰ্ড, আৰডিএছঅ’ আৰু উত্তৰ পূব সীমান্ত ৰেলৱেৰ মুখ্য কাৰ্যালয়ৰ দ্বাৰা অনুমোদন কৰা সকলো সংশোধনৰ সৈতে ১০০ শতাংশ অনুপালন সম্পন্ন কৰিছে।

পুৰণি কেৰেজ লিফটিং শ্বপ খালী কৰা হয় আৰু নতুনকৈ স্থাপিত এলএইচবি কৰোজন ৰিপেয়াৰ শ্বপলৈ আইচিএফ ডবাসমূহ স্থানান্তৰ কৰাৰ পিছত ফ্লোৰিঙৰ কামৰ বাবে অভিযান্ত্ৰিক বিভাগলৈ স্থানান্তৰ কৰা হয়। আনহাতে, কাভাৰ্ড ৱাগনসমূহৰ শ্বাৱাৰ পৰীক্ষণে ছাদৰ লিক চিনাক্ত কৰা আৰম্ভ কৰিছে, যাৰ ফলত ৰোলিং ষ্টকৰ নিৰ্ভৰযোগ্যতা আৰু স্থিৰতা উন্নত হৈছে। নান্দনিকতা আৰু দীৰ্ঘজীৱন উভয়ৰে বৃদ্ধি কৰাৰ দিশত এক উল্লেখযোগ্য পদক্ষেপ ৰূপে, পৰম্পৰাগত পেইণ্টিঙৰ বিকল্প হিচাপে এলএইচবি ২-টায়াৰ এচি কোচএটাত ভিনাইল ৰেপিং প্ৰয়োগ কৰা হয়। ইয়াৰ উপৰিও, পৰৱৰ্তী দুমাহৰ ভিতৰত আৰু ১২৫ টা ডবা ভিনাইল-ৰেপিং কৰাৰ বাবে এক নিবিদা প্ৰক্ৰিয়া চলি আছে।

কোচিং কামকাজৰ অংশ হিচাপে, আইচিএফ, এলএইচবি, ডেমু আৰু এছপিইউআৰটিকে ধৰি বিভিন্ন শ্ৰেণীত মুঠ ৭৭ টা ডবাই সফলতাৰে পিৰিওডিকেল অভাৰহলিং (পি.ও.এইচ.) সম্পন্ন কৰে। ইয়াৰ উপৰিও, ট্ৰলী প্ৰেৰণত এছএছ১-ৰ বাবে ৩৫ টা কোচ ছেট আৰু আইওএইচ আইচিএফৰ বাবে ৬৫.৫০ কোচ ছেট অন্তৰ্ভুক্ত আছিল, যাৰ ফলত সমগ্ৰ মণ্ডলসমূহত অবিৰত পৰিচালন সুগম হৈ পৰে। নিউ বঙাইগাঁও ৱৰ্কশ্বপই ২০২৫ চনৰ মাৰ্চত সফলতাৰে ১৪৫ টা ৱাগন মুকলি কৰে। ইয়াৰ উপৰিও, তিনিটা ৱাগন টুইন পাইপ এয়াৰ ব্ৰেক প্ৰণালীলৈ উন্নীত কৰা হয়, যাৰ ফলত ২০২৪-২৫ বৰ্ষৰ বাবে মুঠ ২৫৩ টা ৱাগনৈলৈ উন্নীত হয়।

লক্ষণীয়ভাৱে, নিউ বঙাইগাওঁ ৱৰ্কশ্বপৰ পৰা ওলাই অহা সকলো ৱাগন এতিয়া এই প্ৰণালীৰে সম্পূৰ্ণৰূপে সজ্জিত আৰু সম্পূৰ্ণ অনুপালন নিশ্চিত কৰে। উক্ত মাহটোত, দুৱাৰৰ উচ্চতা হ্ৰাস আৰু ড’ৰ ব্লকৰ বাবে ১০ টা ৱাগন নৱীকৰণ কৰা হয়, যাৰ ফলত ২০২৪-২৫ বৰ্ষত মুঠ ১২২ টা আৰু সামগ্ৰিক সংখ্যা ২৯১ টা ৱাগন হয়। তদুপৰি, উৎপাদনৰ লক্ষ্যত সহায় কৰিবলৈ দুটা ট্ৰেড ফেইলাৰ আইটেম আৰু ২১ টা বিবিধ উপাদানসহ ২৩ টা আইটেম স্থানীয়ভাৱে নিৰ্মাণ কৰা হয়।ৰোলিং ষ্টক ডিটেনচন হ্ৰাস কৰিবলৈ, নিউ বঙাইগাঁও ৱৰ্কশ্বপই বিভিন্ন মণ্ডললৈ ২৭৯ যোৰ হুইল ছেট যোগান ধৰে, যাৰ ভিতৰত বিচিএনৰ বাবে ১১৮, এলএইচবিৰ বাবে ১০০, আইচিএফৰ বাবে ৩৯, ডিএছএলৰ বাবে ১৮ আৰু এছপিএল আইচিএফৰ বাবে ৪ টা হুইল চেট আছে।

ইয়াৰ উপৰিও, স্ক্ৰেপ নিষ্কাশন প্ৰচেষ্টাই সম্পদৰ সম্পূৰ্ণ ব্যৱহাৰত এক গুৰুত্বপূৰ্ণ ভূমিকা পালন কৰে, প্ৰায় ৬৩৪.২১৮ মেট্ৰিক টন লৌহ স্ক্ৰেপ আৰু ২৯.৪০৫ মেট্ৰিক টন অ-লৌহ স্ক্ৰেপ ষ্টোৰসমূহত জমা কৰা হয়।এই সফলতাসমূহে ৰে’লৰ তত্বাৱধান আৰু উৎপাদনৰ ক্ষেত্ৰত পৰিচালন উৎকৰ্ষতা, আধুনিকীকৰণ আৰু দক্ষতাৰ প্ৰতি নিউ বঙাইগাওঁ কাৰখানাৰ অবিৰত প্ৰতিশ্ৰুতিৰ ওপৰতেই গুৰুত্ব আৰোপ কৰিছে।