নিউজ ডেস্ক, ২৭ অক্টোবৰ, ২০২৫ : উত্তৰ-পূৱ সীমান্ত ৰে’লৱেই ইয়াৰ সমগ্ৰ মণ্ডল, ৱৰ্কশ্বপ আৰু নিৰ্মাণ ক্ষেত্ৰ গোটত ২৭ অক্টোবৰৰ পৰা ২ নৱেম্বৰ, ২০২৫ লৈ সতৰ্কতা সজাগতা সপ্তাহ (Awareness Week) পালন কৰিব। এই বছৰ উদযাপনৰ বিষয়বস্তু হৈছে “সতৰ্কতা : আমাৰ অংশীদাৰী দায়বদ্ধতা”। এই উদযাপন কেন্দ্ৰীয় সতৰ্কতা আয়োগৰ (চিভিচি) নিৰ্দেশনা অনুসৰণ কৰি সমগ্ৰ সংমণ্ডলটোত প্ৰতিৰোধমূলক সতৰ্কতা ব্যৱস্থা শক্তিশালী কৰাৰ লক্ষ্যৰে ১৮ আগষ্টৰ পৰা ১৭ নৱেম্বৰ ২০২৫ লৈ এক ব্যাপক তিনি মাহৰ অভিযানৰ অংশ। ইয়াৰ উদ্দেশ্য হৈছে ৰে’লৱেৰ কাম-কাজৰ সকলো স্তৰত সততা, স্বচ্ছতা আৰু দায়বদ্ধতাৰ সংস্কৃতি শক্তিশালী কৰা।
মালিগাঁৱৰ উত্তৰ-পূৱ সীমান্ত ৰে’লৱেৰ মুখ্য কাৰ্যালয়ত মহাপ্ৰবন্ধকৰ কাৰ্যালয়ৰ সন্মুখত সততাৰ শপত গ্ৰহণৰ সৈতে এই উদযাপন আৰম্ভ হ’ব, তাৰ পিছত নৈতিক মূল্যবোধ আৰু স্বচ্ছতা প্ৰচাৰৰ বাবে কৰ্মচাৰী আৰু জনসাধাৰণক জড়িত কৰাৰ বাবে এক বাটৰ নাট অনুষ্ঠিত কৰা হ’ব। নিৰ্মাণ সংস্থাৰ মুখ্য কাৰ্যালয়ত, একেই ধৰণৰ কাৰ্যসূচী একেই সময়তে আয়োজিত কৰা হ’ব। সমগ্ৰ সংমণ্ডলটোৰ প্ৰতিটো বিভাগ আৰু স্তৰৰ ৰে’লৱে কৰ্মচাৰীৰ অংশগ্ৰহণ নিশ্চিত কৰি, সকলো মণ্ডল ৰে’লৱে প্ৰৱন্ধকে (ডিআৰএম) তেওঁলোকৰ সংশ্লিষ্ট মণ্ডলসমূহত সততাৰ শপত বাক্য পাঠ কৰিব।
সপ্তাহজোৰা উদযাপনৰ সময়ত, ৰে’লৱে কৰ্মচাৰী আৰু সাধাৰণ ৰাইজৰ মাজত সজাগতা সৃষ্টি কৰিবলৈ সমগ্ৰ সংমণ্ডলত বিভিন্ন কাৰ্যসূচী অনুষ্ঠিত কৰা হ’ব। ২৮ অক্টোবৰত ৰঙিয়া মণ্ডলত সতৰ্কতা সম্পৰ্কীয় বিষয়ৰ ওপৰত মত-বিনিময় বৈঠক আৰু চেমিনাৰ অনুষ্ঠিত হ’ব। ২৯ অক্টোবৰত ৰে’লৱে উচ্চতৰ মাধ্যমিক বিদ্যালয়, নেতাজী বিদ্যাপীঠ ৰে’লৱে উচ্চতৰ মাধ্যমিক বিদ্যালয় আৰু মালিগাঁৱৰ কেন্দ্ৰীয় বিদ্যালয়ত মূল বিষয়বস্তুৰ ওপৰত গুৰুত্ব দি ৰচনা, অংকন আৰু চিত্ৰাংকন প্ৰতিযোগিতা অনুষ্ঠিত কৰা হ’ব।
২৯ অক্টোবৰ, ২০২৫ তাৰিখে আলিপুৰদুৱাৰৰ জোনেল ৰে’লৱে ট্ৰেইনিং ইনষ্টিটিউটত এখন ৰচনা প্ৰতিযোগিতাও অনুষ্ঠিত কৰা হ’ব। ৩০ অক্টোবৰ ২০২৫ তাৰিখে নিউ গুৱাহাটী ডিজেল লোকো শ্বেডত দুৰ্নীতি বিৰোধী বাৰ্তা প্ৰচাৰ কৰা বাটৰ নাট প্ৰদৰ্শন কৰা হ’ব। ৩১ অক্টোবৰত সতৰ্কতা সজাগতা সপ্তাহ উদযাপনৰ বাবে চুটি ছবি আৰু পথ নাটক উপস্থাপনৰ দৰে কাৰ্যসূচী ইয়াৰ মুখ্য কাৰ্যালয়ৰ জিএম/ভিজিলেন্স কনফাৰেন্স হলত আয়োজিত কৰাৰ লগতে পুৰস্কাৰ বিতৰণ অনুষ্ঠানৰ সৈতে সম্বৰ্ধনা অনুষ্ঠান আয়োজন কৰা হ’ব।
এই প্ৰচেষ্টাসমূহে সততাৰ সংস্কৃতি গঢ়ি তোলা, প্ৰশাসনত স্বচ্ছতা নিশ্চিত কৰা আৰু ইয়াৰ কাম-কাজসমূহৰ সকলো ক্ষেত্ৰৰ পৰা দুৰ্নীতি নিৰ্মূল কৰাৰ বাবে উত্তৰ পূৱ সীমান্ত ৰে’লৱেৰ অবিৰত প্ৰতিশ্ৰুতিকেই প্ৰতিফলিত কৰে। উত্তৰ পূৱ সীমান্ত ৰে’লৱেই ইয়াৰ সকলো কৰ্মচাৰী, হিতাধিকাৰী আৰু জনসাধাৰণক সামূহিক দায়বদ্ধতা আৰু এই নৈতিক একতাৰ এই কাৰ্যসূচীত সক্ৰিয়ভাৱে অংশগ্ৰহণ কৰিবলৈ আহ্বান জনাইছে, যাৰ পৰিনামস্বৰূপে দৈনন্দিন জীৱনত নৈতিক আচৰণ আৰু সতৰ্কতাৰ দ্বাৰা ৰাষ্ট্ৰ নিৰ্মাণত অৰিহণা যোগাব পৰা যায়।