মালিগাঁও, ৯ নৱেম্বৰ, ২০২৫ : উত্তৰ-পূব সীমান্ত ৰে’লৱেৰ মহাপ্ৰৱন্ধক চেতন কুমাৰ শ্ৰীৱাস্তৱে অসাধাৰণ সতৰ্কতা, কৰ্তব্য নিষ্ঠা আৰু তৎকালীন পদক্ষেপ গ্ৰহণ কৰি সম্ভাৱ্য বিপৰ্যয় ৰোধ কৰা তিনিজন ফ্ৰন্টলাইন ৰে’লকৰ্মীক (Railway Worker) গৌৰৱেৰে সন্মানিত কৰিলে। জিতেন্দ্ৰ কুমাৰ-(লোকো পাইলট-গুডছ/এপিডিজে), শৈলেন্দ্ৰ কুমাৰ কেশৰী (জ্যেষ্ঠ এএলপি/এপিডিজে) আৰু ভোলাৰাম দাস (ৰে’ল প্ৰৱন্ধক-গুডছ/এপিডিজে)ক তেওঁলোকৰ সেৱা নিৰ্বাহৰ সময়ত দেখুৱা সতৰ্কতা আৰু কৰ্তব্যনিষ্ঠাৰ স্বীকৃতি স্বৰূপে নগদ পুৰস্কাৰ আৰু প্ৰমাণপত্ৰৰে সন্মানিত কৰা হয়।
চলিত বৰ্ষৰ ২৩ অক্টোবৰৰ প্ৰায় ০০:৫৭ বজাত, বোডোলেণ্ড টেৰিটৰিয়েল অঞ্চলৰ কোকৰাঝাৰ আৰু চালাকাটি ষ্টেচনৰ মাজেৰে পাৰ হৈ থকা সময়ছোৱাত চেনি, কঢ়িয়াই নিয়া এখন মালবাহী ৰে’লখনৰ চালক দলটোৱে হঠাতে এক শক্তিশালী কম্পন অনুভৱ কৰিছিল। অসাধাৰণ উপস্থিত বুদ্ধি প্ৰদৰ্শন কৰি, তেওঁলোকে তৎক্ষণাৎ ৰে’লখন ৰখাই দিয়ে, নিয়ন্ত্ৰণ কৰ্তৃপক্ষক সতৰ্ক কৰে আৰু ওএইচই মাষ্ট নং ২২৮/১ ৰ ওচৰত সন্দেহজনক বিস্ফোৰণৰ পৰিণামস্বৰূপে ৰে’লপথৰ ক্ষতিগ্ৰস্ত হোৱা কথা চিনাক্ত কৰে। তেওঁলোকৰ তাৎক্ষণিক আৰু দৃঢ় পদক্ষেপে পৰৱৰ্তী ক্ষতি ৰোধ কৰে, সময়মতে ৰে’ল চলাচল পুনৰুদ্ধাৰ নিশ্চিত কৰে আৰু ৰে’লৱে সম্পত্তি আৰু জীৱন উভয়কে সুৰক্ষিত কৰে।
ফ্ৰন্টলাইন কৰ্মী, অভিযন্তা আৰু নিৰাপত্তাৰক্ষীসকলৰ সমন্বিত প্ৰচেষ্টাৰ ফলস্বৰূপে যুদ্ধকালীন তৎপৰতাৰে অক্লান্তভাৱে কাম কৰি কেইঘণ্টামানৰ ভিতৰতে ক্ষতিগ্ৰস্ত অংশটো মেৰামতি কৰি তোলে। তেওঁলোকৰ নিষ্ঠা আৰু দলবদ্ধ প্ৰয়াসে ক্ষতিগ্ৰস্ত অংশৰ অৱশিষ্ট ধ্বংসাৱশেষৰ তৎক্ষণাৎ অপসাৰণ, ক্ষতিগ্ৰস্ত শ্লীপাৰ আৰু ৰে’লপথৰ প্ৰতিষ্ঠাপন আৰু উক্ত স্থানৰ সম্পূৰ্ণ নিৰীক্ষণ আৰু সুৰক্ষিতকৰণ নিশ্চিত কৰি সুৰক্ষিতভাৱে ৰেল চলাচল সৰ্বোচ্চ সময়ৰ ভিতৰত সম্ভৱ কৰি তোলে। প্ৰত্যাহ্বানজনক পৰিস্থিতিত ৰে’ল পৰিচালনৰ সুৰক্ষাৰ প্ৰতি অটল প্ৰতিশ্ৰুতি প্ৰদৰ্শন কৰা শ্ৰমিকৰ নিষ্ঠা, তৎপৰতা আৰু দলবদ্ধ মনোভাৱেৰে কাৰ্য সম্পাদন কৰা সকলো ফ্ৰন্টলাইন কৰ্মী আৰু কৰ্মীসকলক উত্তৰ-পূব সীমান্ত ৰে’লৱেই কৃতজ্ঞতাৰে স্বীকৃতি জনাইছে।
যিকোনো মুহূৰ্তত নিৰ্দেশৰ প্ৰতি সঁহাৰি জনাবলৈ থকা তেওঁলোকৰ সজাগতা আৰু সম্পদ সংগ্ৰহৰ তৎপৰ প্ৰয়াসে ৰে’ল নেটৱৰ্কৰ নূন্যতম বিপদৰ পৰা স্বাভাৱিক অৱস্থালৈ ঘূৰাই অনাৰ বাবে সক্ষম কৰি তোলে। এই সন্মানটোৱে প্ৰদানে কেৱল ব্যক্তিগত সাহসক সন্মানিত কৰাই নহয়, উত্তৰ-পূব সীমান্ত ৰে’লৱেৰ সতৰ্ক ৰে’ল পৰিচালনা, যাত্ৰীৰ সুৰক্ষা আৰু আন্তগাঁথনিৰ স্বাভাৱিক অৱস্থাৰ প্ৰতি থকা প্ৰতিশ্ৰুতিকেই প্ৰতিফলিত কৰিছে।