ধুবুৰী, ৫ নৱেম্বৰ, ২০২৩ : পুনৰ আৰক্ষীৰ গুলী চালনা। চোৰাং গৰু সৰবৰাহকাৰীক লক্ষ্য কৰি আৰক্ষীৰ গুলী চালনা (Police Firing)। আৰক্ষীৰ গুলীত আহত এজন চোৰাং গৰু সৰবৰাহকাৰী। আৰক্ষীৰ জালত পৰে আন দুজন চোৰাং গৰু সৰবৰাহকাৰী। এখন বলেৰ’ বাহনত গৰুৰ মুখ বান্ধি তিৰপালেৰে ঢাকি সৰবৰাহৰ চেষ্টা চলাইছিল। আৰক্ষীৰ গুলীত আহত চোৰাং গৰু সৰবৰাহকাৰীজন চিকিৎসালয়ত ভৰ্তি।
অপৰাধীক লক্ষ্য কৰি অব্যাহত আছে আৰক্ষীৰ গুলী চালনা। এইবাৰ ধুবুৰী আৰক্ষীয়ে গুলীয়ালে এজন গৰু সৰবৰাহকাৰীক। ধুবুৰী আৰক্ষীৰ গুলীত গুৰুত্বৰভাৱে আহত গৰু সৰবৰাহকাৰীজন। নিশা ধুবুৰীৰ তামাৰহাটত আৰক্ষীয়ে গুলীয়াই চোৰাং গৰু সৰবৰাহকাৰীজনক। গৰু সৰবৰাহকাৰীজন আৰক্ষীৰ পৰা পলায়নৰ চেষ্টা চলাওঁতে আৰক্ষীয়ে বাধ্য হৈ গুলী চালনা কৰে।
নিশা ধুবুৰীৰ তামাৰহাটত আৰক্ষীয়ে পুনৰ গুলী চালনা কৰে এজন অপৰাধীক লক্ষ্য কৰি। জানিব পৰা মতে নিশা এখন বলেৰ’ বাহনত গৰুৰ মুখ বান্ধি তিৰপালেৰে ঢাকি গৰু নি থকা অৱস্থাত আৰক্ষীয়ে গৰু সৰবৰাহকাৰী তিনিজনক ৰাখিবলৈ দিয়ে। ইয়াৰে এজন গৰু সৰবৰাহকাৰী আৰক্ষীৰ কবলৰ পৰা পলায়নৰ চেষ্টা চলাওঁতে আৰক্ষীয়ে বাধ্য হৈ গৰু সৰবৰাহকাৰীজনক লক্ষ্য কৰি গুলী চালনা কৰে। আৰক্ষীৰ গুলী লাগি গুৰুত্বৰভাৱে আহত হয় গৰু সৰবৰাহকাৰীজন।
আহত গৰু সৰবৰাহকাৰীজনক আৰক্ষীয়ে ততাতৈয়াকৈ চিকিৎসালয়ত ভৰ্তি কৰে। আনহাতে দুজন চোৰাং গৰু সৰবৰাহকাৰীক আৰক্ষীয়ে আটক কৰে। আটকাধীন চোৰাং গৰু সৰবৰাহকাৰী দুজন ক্ৰমে মিজানুৰ ৰহমান মিঞা, চাহাবৰ প্ৰমাণিক বুলি জানিব পৰা গৈছে।আৰক্ষীয়ে বলে’ৰ পিক আপ বাহনখনৰ পৰা ৮ টা গৰু উদ্ধাৰ কৰি জব্দ কৰে।
আৰক্ষীয়ে চোৰাংভাৱে গৰু কঢ়িয়াই নিয়া এ এছ-১৭-চি-২৫১৮ নম্বৰৰ বলেৰ’ বাহনখনৰ লগতে গৰু সৰবৰাহকাৰী তিনিজনে ব্যৱহাৰ কৰা এএছ-১৬-কে-৬৭২৭ নম্বৰৰ এখন ৱাগেনাৰ বাহন জব্দ কৰে। আৰক্ষীয়ে আটকাধীন চোৰাং গৰু সৰবৰাহকাৰী দুজনক অধিক তথ্যৰ বাবে জেৰা অব্যাহত ৰাখিছে। উল্লেখ্য যে নামনি অসমৰ ধুবুৰী আৰু দক্ষিণ শালমাৰা-মানকাচৰ জিলাৰ বিভিন্ন অঞ্চলৰ পৰা বাংলাদেশলৈ গৰুৰ চোৰাং সৰবৰাহ কৰা হয়।