গোলাঘাট, ১১ ডিচেম্বৰ, ২০২৩ : পুনৰ আৰক্ষীৰ গুলী চালনা (Police Firing)। গভাইত চোৰক লক্ষ্য কৰি আৰক্ষীৰ গুলী চালনা। আৰক্ষীৰ গুলীত নিহত গভাইত চোৰজন। আৰক্ষীৰ কবলৰ পৰা পলায়নৰ চেষ্টা চলাওঁতে আৰক্ষীয়ে বাধ্য হৈ গুলী চালনা কৰে। দীর্ঘদিন দিন ধৰি চুৰিকাণ্ড সংঘটিত কৰি অহা গভাইত চোৰজন আৰক্ষীৰ মূৰৰ কামোৰণি হৈ পৰিছিল। পূৰ্বেও বহুবাৰ জেললৈ গৈছিল গভাইত চোৰজন।
অপৰাধীক লক্ষ্য কৰি অব্যাহত আছে আৰক্ষীৰ গুলী চালনা। এইবাৰ গোলাঘাট আৰক্ষীয়ে গুলীয়ালে এজন গভাইত চোৰক। আৰক্ষীৰ গুলী লাগি নিহত হৈছে লাগান চাহানী নামৰ এজন গভাইত চোৰ। দেওবাৰে নিশাৰ ভাগত আৰক্ষীয়ে গভাইত চোৰ লাগান চাহানীক লক্ষ্য কৰি গুলী চালনা কৰে। জানিব পৰা মতে, নিশা আৰক্ষীৰ এটা দলে লাগান চাহানী নামৰ গভাইত চোৰজনক লগত লৈ এক অভিযান চলাবলৈ যোৱা সময়ত লাগান চাহানী নামৰ গভাইত চোৰজনে আৰক্ষীৰ কবলৰ পৰা পলায়নৰ চেষ্টা চলায়।
আৰক্ষীক লক্ষ্য কৰি গুলী চালনা কৰি পলায়নৰ চেষ্টা চলাওঁতে আৰক্ষীয়ে বাধ্য হৈ গভাইত চোৰ লাগান চাহানীক লক্ষ্য কৰি গুলী চালনা কৰে। আৰক্ষীৰ গুলী লাগি গুৰুত্বৰভাৱে আহত হয় গভাইত চোৰজন। ইয়াৰ পিছতে আৰক্ষীয়ে ততাতৈয়াকৈ লাগান চাহানী নামৰ গভাইত চোৰজনক চিকিৎসালয়ত ভৰ্তি কৰে যদিও চিকিৎসাকে লাগান চাহানীক মৃত বুলি ঘোষণা কৰে। আৰক্ষীয়ে লাগান চাহানী নামৰ গভাইত চোৰজনৰ কবলৰ পৰা ৭.৬৫ এম এম’ৰ এটা পিষ্টল, এটা মেগাজিন আৰু দুই জাঁই গুলী জব্দ কৰে।
গভাইত চোৰ লাগান চাহানীৰ কবলৰ পৰা অভিযানকাৰী আৰক্ষীৰ দলটোৱে চুৰিৰ বিভিন্ন সামগ্ৰীৰ লগতে নগদ ৫০ লাখ টকাও উদ্ধাৰ কৰিছে। উল্লেখ্য যে লাগান চাহানী নামৰ গভাইত চোৰজন দীর্ঘদিন দিন ধৰি চুৰিকাণ্ড সংঘটিত কৰি আহিছিল। আৰক্ষীৰ মূৰৰ কামোৰণি হৈ পৰিছিল লাগান চাহানী নামৰ গভাইত চোৰজন। জানিব পৰা মতে, পূৰ্বেও বিভিন্ন ধৰণৰ অপৰাধমূলক ঘটনা সংঘটিত কৰি বহুবাৰ জেললৈ গৈছিল লাগান চাহানী।
দেওবাৰে দিনৰ ভাগত আৰক্ষীয়ে এক গোপন খবৰ ভিত্তিত অভিযান চলাই আৰক্ষীৰ মূৰৰ কামোৰণি হৈ পৰা গভাইত চোৰ লাগান চাহানীক গ্ৰেপ্তাৰ কৰিবলৈ সক্ষম হৈছিল। ইয়াৰ পিছতে নিশাৰ ভাগত আৰক্ষীৰ এটা দলে লাগান চাহানীক লগত লৈ চুৰিৰ সামগ্ৰী উদ্ধাৰ কৰিবলৈ এক অভিযান চলাবলৈ গৈছিল। উল্লেখ্য যে কিছুদিন পূৰ্বে অমিনগাঁৱৰ আজ্ঞাঠুৰীত আৰক্ষীৰ গুলীত নিহত হৈছিল এজন কুখ্যাত ড্ৰাগছ মাফিয়া। আৰক্ষীক লক্ষ্য কৰি পলায়নৰ চেষ্টা চলাওঁতে আৰক্ষীয়ে ড্ৰাগছ মাফিয়াৰ বাহনলৈ লক্ষ্য কৰি গুলী চালনা কৰিছিল।