দেৰগাঁও, ৩ জানুৱাৰী, ২০২৪ : ভয়ংকৰ পথ দুর্ঘটনা। এখন যাত্রীবাহী আলট্ৰা বাছ আৰু কয়লা ভৰ্তি টেংকাৰৰ মুখামুখি সংঘৰ্ষ। এই ভয়ংকৰ পথ দুর্ঘটনাত শিশুসহ নিহত হৈছে দহজনকৈ লোক (Ten Killed In A Road Accident)। আহত বহু কেইজন লোক। আহত সকলৰ ভিতৰত কেইবাজনো লোকৰ অৱস্থা সংকটজনক। নিহত সংখ্যা বৃদ্ধি পোৱাৰ সম্ভাৱনা। আলট্ৰা বাছখনত আছিল বনভোজ খাবলৈ যোৱা দল।
বুধবাৰে পুৱাৰ ভাগতে ৰাজ্যত সংঘটিত হৈছে এক ভয়ংকৰ পথ দুর্ঘটনা। এই ভয়ংকৰ পথ দুর্ঘটনাত নিহত হৈছে দহজনকৈ লোক। নিহত সকলৰ ভিতৰত আছে শিশু আৰু মহিলা। এখন যাত্ৰীবাহী আলট্ৰা বাছ আৰু কয়লা ভৰ্তি টেংকাৰৰ মাজত হোৱা মুখামুখি সংঘর্ষত সংঘটিত হয় এই শোকাবহ পথ দুর্ঘটনা। জানিব পৰা মতে, আলট্ৰা বাছখনত আছিল বনভোজ খাবলৈ যোৱা এটা দল। বনভোজ খাই মন্দিৰ দর্শনলৈ যোৱাৰ সময়ত আলট্ৰা বাছখন দুর্ঘটনাত পতিত হয়।
এই ভয়ংকৰ পথ দুর্ঘটনা সংঘটিত হৈছে দেৰগাঁৱৰ বালিজানৰ ৩৭ নং ৰাষ্ট্ৰীয় ঘাইপথত। পুৱা ৫ মান বজাত এই ভয়ংকৰ পথ দুর্ঘটনা সংঘটিত হোৱা বুলি জানিব পৰা গৈছে। আলট্ৰা বাছখনে পথৰ কাষত ৰখাই থোৱা এখন কয়লা ভৰ্তি টেংকাৰত খুন্দা মাৰে। এই ভয়ংকৰ পথ দুর্ঘটনাত শিশু আৰু মহিলাসহ দহজনকৈ লোকৰ মৃত্যু হোৱাৰ লগতে বহু কেইজন লোক আহত হৈছে। আহত সকলৰ ভিতৰত কেইবাজনো লোকৰ অৱস্থা সংকটজনক বুলি জানিব পৰা গৈছে। ফলত নিহত সংখ্যা বৃদ্ধি পোৱৰ সম্ভাৱনা আছে।
গোলাঘাট জিলাৰ বচাভৰলুৰ পৰা আলট্ৰা বাছখনেৰে এটা দল তিনিচুকীয়ালৈ বনভোজ খাবলৈ গৈছিল। বনভোজ খাবলৈ যোৱা দলটো বগীবিলত বনভোজ খাই টিলিঙা মন্দিৰ দৰ্শনৰ বাবে গৈ থকা অৱস্থাত দুর্ঘটনাত পতিত হয়। এই ভয়ংকৰ পথ দুর্ঘটনাত আলট্ৰা বাছখনৰ যাত্ৰীৰ লগতে কয়লা ভৰ্তি টেংকাৰখনৰ চালকো নিহত হৈছে। বৰ্তমানলৈকে নিহত সকলৰ ভিতৰত সাতজনৰ পৰিচয় উদ্ধাৰ হৈছে। নিহত সকলৰ ভিতৰত আছে ১০ বছৰীয়া নিহাৰিকা শইকীয়া নামৰ এটি কন্যা শিশু আছে।
এই পথ দুর্ঘটনাত একেটা পৰিয়ালৰ কেইবাজনো সদস্য নিহত হৈছে বুলি জানিব পৰা গৈছে। পুৱা ৫ বজাত এই ভয়ংকৰ পথ দুর্ঘটনা সংঘটিৰ হোৱাৰ পিছতে স্থানীয় ৰাইজ উদ্ধাৰ অভিযানত নামি পৰে। স্থানীয় ৰাইজে কেইবাজনো আহত লোকক উদ্ধাৰ কৰি চিকিৎসালয়লৈ প্ৰেৰণ কৰে। ইয়াৰ পিছতে দুৰ্ঘটনাৰ খবৰ পাই দুর্ঘটনাস্থলীত আৰক্ষী উপস্থিত হৈ উদ্ধাৰ অভিযান চলায়। ঘন কুঁৱলীৰ বাবে এই ভয়ংকৰ পথ দুর্ঘটনা সংঘটিত হোৱাৰ সন্দেহ প্ৰকাশ কৰা হৈছে।