কিলাৰ হাইৱেট পৰিণত বজালীৰ ৩১ নং ৰাষ্ট্ৰীয় ঘাইপথ: পথৰ মাজত পুখুৰী সদৃশ গাতৰ সৃষ্টি  

In ৰাজ্য

বজালী, সংবাদ ৩৬৫, ১২ ছেপ্টেম্বৰ: বজালী মহকুমাত ৩১ নং ৰাষ্ট্ৰীয় ঘাইপথ এতিয়া ৰাইজৰ বাবে হৈ পৰিছে এক মৃত্যু উপত্যকা। প্ৰতিদিনে সংঘটিত হৈ আহিছে সৰু বৰ দূৰ্ঘটনা। অকালতে প্ৰাণ হেৰুৱাব লগীয়া হৈছে বিভিন্ন জনে। ৰাষ্ট্ৰীয় ঘাইপথ বিভাগৰ চূড়ান্ত হেমাহি আৰু পথ নিৰ্মাণকাৰী সংস্হা কুঞ্জ মোহন কনষ্ট্ৰাকচন চমুকৈ কে এম চি নামৰ কোম্পানীটোৰ পথ নিৰ্মাণ কাৰ্যত কৰি অহা বিভিন্ন অনিয়ম, দূৰ্ণীতি আৰু কামৰ শামুকীয়া গতিয়ে সৰ্বস্তৰৰ ৰাইজক জলা কলা খুৱাই আহিছে।সম্প্ৰতি পথৰ মাজত সৃষ্টি হৈছে ফাটৰ। পাঠশালা, পাটাছাৰকুছি,দেনাৰট্টাৰী, ধুমাৰকুৰ,তালতল ভৱানীপুৰ আদি প্ৰায়ভাগ অংশতে নতুনকৈ নিৰ্মাণ কৰা পথৰ মাজত পৰিলক্ষিত হৈছে চিৰাল ফাটবোৰ। ইয়াৰ উপৰি পথচোৱাৰ ভিন্ন স্হানত সৃষ্টি হৈছে সৰু বৰ বহু গাতৰ। মহকুমাটোৰ ৩১ নং ৰাষ্ট্ৰীয় ঘাইপথৰ পাটাছাৰকুছি বেজকুচিৰ পৰা কালঝাৰলৈ ২৭.২ কিলোমিটাৰ দৈৰ্ঘৰ পথচোৱা কে এম চি নামৰ পথ নিৰ্মাণকাৰী সংস্হাটোৱে ফৰলেন যুক্ত কৰাৰ বাবে দায়িত্ব লাভ কৰি ২০০৫ বৰ্ষতে পথচোৱাৰ নিৰ্মাণৰ কাম আৰম্ভ কৰিছিল যদিও,আজি ১৪ বছৰ অতিক্ৰম কৰাৰ পিছতো পথচোৱাৰ নিৰ্মাণ কাৰ্য সম্পূৰ্ণ হৈ নুঠিল। যাৰ পৰিনতিত পথটোত সদায়ে সংঘটিত হৈ আহিছে দূৰ্ঘটনা। মৃত্যু হৈছে শ শ লোকৰ। যুৱ ছাত্ৰ পৰিষদে ৰাষ্ট্ৰীয় ঘাইপথ প্ৰাধীকৰণৰ বাবে কে এম চি সোণৰ কণী দিয়া হাহ বুলি মন্তব্য কৰিছে। পথছোৱা নিৰ্মাণৰ বাবে  দুশ কোটি টকা আবন্টন পোৱা কে এম চিয়ে চাৰিখন দলং আৰু এখন ৰেলৱে অভাৰ ব্ৰীজৰ কাম আজিলৈ সম্পূৰ্ণ কৰি উলিয়াব নোৱাৰাৰ বাবেই ৰাষ্ট্ৰীয়, ঘাইপথটোৰ পাটাছাৰকুছিৰ পৰা ভৱানীপুৰলৈ প্ৰায় ১৬ কিলোমিটাৰ পথচোৱাত প্ৰতিদিনে ভয়াবহ যান জট সৃষ্টি হোৱাৰ উপৰি একমাত্ৰ পাঠশালাৰ তালতলৰ নিৰ্মিয়মাণ এই  ৰেলৱে অভাৰ ব্ৰীজত ঠায়ে ঠায়ে আবদ্ধ হৈ পৰা দেখা গৈছে বৰষুনৰ পানীৰ ডোঙা। দুশ কোটিৰ পৰা ২৬৭ কোটি টকালৈ ধনৰাশি বৃদ্ধি কৰাৰ পিছতো ব্যাপক দূৰ্ণীতিৰে নিৰ্মাণ কাৰ্য চলাই থকা এই কে এম চি ৰ বিৰুদ্ধে ৰাইজ সৰব হৈ উঠিছে।

Comments

comments

You may also read!

বিদেশ ভৰি পৰিব অসমৰ কৃষকৰ কেঁচা শাক-পাচলিৰে: নগাঁওৰ এটি চাপ্লাই কোম্পানীৰ কৃষকৰ কেঁচা শাক-পাচলি বিমানযোগে উৰা মাৰিলে সুদূৰ ডুবাইলৈ

গুৱাহাটী, সংবাদ ৩৬৫, ১৮ নৱেম্বৰ: বিদেশ ভৰি পৰিব অসমৰ কৃষকৰ কেচাঁ শাক-পাচলিৰে । এক ঐতিহ্যাসিক মুহুৰ্তৰ সাক্ষী হৈ ৰ'ল

Read More...

বটদ্ৰৱাত নাৰী সবলীকৰণৰ গুৰুত্ব শীৰ্ষক আলোচনা চক্ৰ

বটদ্ৰৱাৰ পৰা নজৰুল ইছলাম, সংবাদ ৩৬৫, ১৮ নৱেম্বৰ: দেওবাৰে নগাওঁ জিলাৰ বটদ্ৰৱাস্থিত জামতলত ড: কালামচ ইন্সটিটিউট অফ এডভান্চ ষ্টাডিচৰ

Read More...

আব্দুল খালেক গো বেক ধ্বনিৰে কপি উঠিল জনীয়া মণ্ডল কংগ্ৰেছৰ কাৰ্যালয়: দলীয় টিকট বিক্ৰীৰ অভিযোগ আব্দুল খালেকৰ বিৰুদ্ধে

জনীয়া, সংবাদ ৩৬৫, ১৮ নৱেম্বৰ: বৰপেটা জিলাৰ জনীয়াত কংগ্ৰেছৰ প্ৰাৰ্থীত্ব প্ৰদানক কেন্দ্ৰ কৰি শনিবাৰে সন্ধিয়া জনীয়া মণ্ডল কংগ্ৰেছৰ কার্যালয়ত

Read More...

Mobile Sliding Menu