পথৰ ওপৰত ভূঁই ৰুই আৰু মাছ মাৰি ৰাইজৰ প্ৰতিবাদ

In ৰাজ্য
TheChocolateRoomTezpur

আব্দুল হক

নগৰবেৰা

১০ জুন

নগৰবেৰাৰ ৰংগেশ্বৰী পাঁম গাঁৱত ৰাইজৰ অভিনৱ প্ৰতিবাদ। পথৰ ওপৰত একাংশ পুৰুষ-মহিলাই ভূই ৰুই আৰু মাছ মাৰি প্ৰতিবাদ সাব্যস্ত কৰিলে। জৰাজীৰ্ণ পথটিত ভূঁই ৰোৱাৰ বাবে উপযুক্ত নে মাছ মৰাৰ বাবে উপযুক্ত ধৰিব নোৱাৰি ৰাইজে দুয়োটা কামেই কৰি প্ৰতিবাদ সাব্যস্ত কৰিলে।

কামৰূপ জিলাৰ নগৰবেৰাৰ জলজলী নদীৰ ঘাটৰ পৰা টুপামাৰীলৈ যোৱা একমাত্ৰ পথৰ ওপৰত ৰাইজে প্ৰতিবাদ সাব্যস্ত কৰিলে। পথৰ ওপৰতে ভূঁই ৰুই আৰু মাছ মাৰি প্ৰতিবাদ সাব্যস্ত কৰিলে ৰাইজ। আচলতে এই পথটিৰ পথাৰ নে পুখুৰী ধৰিবই নোৱাৰি। গতিকে ৰাইজে পথটিত পথাৰ হিচাপে ভূঁই ৰুলে আৰু পুখুৰী হিচাপে মাছ মাৰিলে। পথটোৰে নিতৌ চলাচল কৰে শ শ পথচাৰী, বাইক আৰোহী, বিভিন্ন যান বাহন।

ৰাইজৰ সুবিধাৰ্থে পথছোৱাৰ নিৰ্মাণৰ বাবে ২০২০-২১ বৰ্ষত এম জি এনৰেগাৰ অধীনত ছমৰীয়া উন্নয়ণ খণ্ডৰ অন্তৰ্গত ভখুৰাদিয়া ৰংগেশ্বৰী গাঁও পঞ্চায়তৰ জৰিয়তে ৬,৭৩,৩,৬১ টকা আৱন্টন দিয়া হয় যদিও পঞ্চায়তটোৰ সভানেত্ৰী গৰাকীয়ে ব্যাপক দুৰ্নীতি আৰু অনিয়ম সংঘটিত কৰি পথটিৰ নিৰ্মাণ কাৰ্য আধাতে শেষ কৰাত গাঁওখনৰ সৰ্বসাধাৰণ ৰাইজে বোকাময় পথটিৰে নৰক যন্ত্ৰণা ভোগ কৰি চলাচল কৰিবলগীয়া হৈছে। ইয়াৰ পৰিপেক্ষিতত গাঁওখনৰ একাংশ পুৰুষ-মহিলা ওলাই আহি এই দৰে পথটিৰ ওপৰত ভূই ৰুই আৰু মাছ মাৰি অভিনৱ প্ৰতিবাদ সাব্যস্ত কৰে।

প্ৰতিবাদকাৰী সকলে পঞ্চায়ত সভানেত্ৰীৰ গৰাকীৰ মইমতালি নচলিব, এম জি এনৰেগাৰ নামত দূৰ্নীতি নচলিব, আমাক ৰাস্তা লাগিবই, ৰাস্তাৰ নামত দূৰ্নীতি বন্ধ কৰক আদি শ্ল’গানেৰে পঞ্চায়ত সভানেত্ৰী গৰাকীৰ বিৰুদ্ধে প্ৰতিবাদ সাব্যস্ত কৰি পৰিৱেশ উত্তাল কৰি তোলে। প্ৰতিবাদকাৰী সকলে পঞ্চায়ত সভানেত্ৰীয়ে পথটিৰ নিৰ্মাণৰ নামত সংঘটিত কৰা দূৰ্নীতি আৰু অনিয়মৰ বিৰুদ্ধে উপযুক্ত তদন্ত বিচৰাৰ লগতে পথটো মেৰামতি কৰি গাঁওখনৰ ৰাইজৰ যাতায়ত ক্ষেত্ৰত সুচল কৰি দিয়াৰ বাবে বিভাগীয় কৰ্তৃপক্ষৰ লগতে অসম চৰকাৰক দাবী জনায়।

You may also read!

বিদ্যুৎ বিভাগৰ চৰম গাফিলতিৰ ফলত বিদ্যুতপৃষ্ট হৈ এজন কৰ্মচাৰীৰ মৃত্যু

জোনমণি বেগম বিশ্বনাথ ১৯ জুন বিশ্বনাথ চাৰিআলিৰ বিদ্যুৎ বিভাগৰ অন্তৰ্গত পাভৌ বিদ্যুৎ নিয়ন্ত্ৰণ কক্ষৰ অধীনত সংঘটিত হৈছে অঘটন। পাভৈ বিদ্যুৎ নিয়ন্ত্ৰণ কক্ষৰ

Read More...

পথৰ ওপৰত অভিনৱ প্ৰতিবাদ ৰাইজৰ : ধৰিলে মাছ, ৰুলে কঠিয়া

জোনমণি বেগম বিশ্বনাথ ১৮ জুন হঠাৎ বিশ্বনাথত উঠিল মাছৰ উজান৷ হাতত জাল, জুলুকি, চেপাঁ লৈ মাছ ধৰিবলৈ ওলাই আহিল স্থানীয় ৰাইজ৷ কিন্তু

Read More...

নাগশংকৰ মন্দিৰৰ কাছ সমুহক যুৱ-ছাত্ৰ পৰিষদৰ বিশ্বনাথ জিলা সমিতিৰ খাদ্য যোগান

জোনমণি বেগম বিশ্বনাথ ১৭ জুন অসম জাতীয়তাবাদী যুৱ-ছাত্ৰ পৰিষদৰ বিশ্বনাথ জিলা সমিতিৰ উদ্যোগত ঐতিহ্যমণ্ডিত নাগশংকৰ দেৱালয়ৰ পুখুৰীত থকা কাছ সমুহক কিছু পৰিমাণে

Read More...

Mobile Sliding Menu