ৰঙিয়াত অবৈধ বালি খননৰ বিৰুদ্ধে ৰঙিয়া মহকুমাৰ মহকুমাধিপতি

In ৰাজ্য

ৰঙিয়া, সংবাদ ৩৬৫, ১০ অক্টোবৰ: অবৈধ বালি খননৰ বিৰুদ্ধে অভিযানত নামিল ৰঙিয়া মহকুমাৰ মহকুমাধিপতি । দীৰ্ঘদিন ধৰি বৰলীয়া নৈত চলি আহিছিল বালিৰ ছিণ্ডিকেট । বুধবাৰে মহকুমাধিপতিয়ে অবৈধ বালিৰ ছিণ্ডিকেট উৎখাত কৰি জব্দ কৰে চাৰিখনকৈ টেক্টৰো । দুদিন পূৰ্বেও ৰঙিয়া বন বিভাগৰ কাৰ্যলয়ৰ সমীপত জব্দ কৰিছিল অবৈধ ভাৱে অনা কাঠ ভৰ্ত্তি ট্ৰাক । বন বিভাগৰ নিচিনা বিয়াগোম বিভাগ এটা থাকোতেই অবৈধ সৰবৰাহৰ বিৰুদ্ধে মহকুমা প্ৰশাসনে অভিযান চলাবলগীয়া হোৱাটো লজ্বাজনক ভাবে বিবেচিত হৈছে । উল্লেখযোগ্যযে চৰকাৰী নিষেধাজ্ঞা স্বত্ত্বেও ৰঙিয়াৰ মাজেৰে বৈ যোৱা বৰলীয়াৰ নৈৰ বুকুত চলাই আহিছিল নিতৌ অবৈধ ভাৱে বালি খনন কাৰ্য । কেবল সেয়াই নহয় , চালান বিহীন ভাবে বালি ভৰ্তি ট্ৰেক্টৰবোৰ বনবিভাগ আৰু ৰঙিয়া আৰক্ষীৰ আশীৰ্বাদত নিসংকোচে অহা যোৱা কৰে ৰঙিয়া চহৰৰ মাজমজিয়াৰে । ৰঙিয়াৰ ডি এফ অ’ৰ কাৰ্য্যালয়ৰ পৰা নাতিদূৰতে হৈ থকা এই অবৈধ কাৰ্যক দেখিও নেদেখা ভাও জুৰি আছে আৰক্ষী তথা বনবিভাগৰ বিষয়াসকলে। প্ৰাপ্ত অভিযোগ মতে আৰক্ষী তথা বনবিভাগৰ বিষয়া সকলক মেনেজ কৰিলেই চলাই থাকিব পাৰি অবৈধ কামকাজ ।উল্লেখযোগ‍্য যে যোৱা ১০ চেপ্তেম্বৰত ৰঙিয়াৰ সদৰ খণ্ড বন বিষয়া ধীৰাজ দাসক দুৰ্নীতি নিবাৰক শাখাই বালি কঢ়িওৱা গাড়ীৰ পৰা উৎকোচ লৈ থাকা অৱস্থাত হাতে লোটে ধৰা পেলোৱাৰ পিছতো লাজ নহ’ল বিভাগটোৰ । কেবল টকাৰ বাবেই বন বিভাগ ,আৰক্ষী আৰু অসাধু চক্ৰই ৰঙিয়া চহৰবসীক বিপদৰ মাজলৈ ঠেলি দি চহৰ খনৰ মাজমজিয়াৰে বৈ যোৱা বৰলীয়া নৈখনত চলাই গৈছে অত্যাচাৰ ? এই ক্ষেত্ৰত স্হানীয় বিধায়ক ভবেশ কলিতাৰ হস্তক্ষেপ কামনা কৰিছে ৰাইজে ।

Comments

comments

You may also read!

বিজেপিৰ সভাপতি ফণি পাঠকৰ নেতৃত্বত পাঠশালাৰ ৰাজপথ হৈ পৰিছে সম্পুৰ্ণ গেৰুৱা

পাঠশালা, সংবাদ ৩৬৫, ১৩ ডিচেম্বৰ: বৃহস্পতিবাৰে পাঠশালাৰ ৰাজপথ সম্পূৰ্ণৰূপে হৈ পৰিছে গেৰুৱা। ৰাজ্যৰ বিভিন্ন প্ৰান্তত পঞ্চায়ত নিৰ্বাচনৰ ফলাফল ঘোষণা

Read More...

৫ ৰাজ্যৰ বিধানসভা নিৰ্বাচনৰ পিছতেই পুনৰ মূল্যবৃদ্ধি পেট্ৰল ডিজেলৰ

গুৱাহাটী, সংবাদ ৩৬৫, ১৩ ডিচেম্বৰ: ৫ ৰাজ্যৰ বিধানসভা নিৰ্বাচনৰ পিছতেই পুনৰ মূল্যবৃদ্ধিয়ে দেখা দিছে পেট্ৰল ডিজেলৰ। যোৱা এমাহ ধৰি

Read More...

বৰপেটাত পঞ্চায়ত নিৰ্বাচনী ফলাফল: ৰাজপথত উৎফুল্লিত সমৰ্থকসকলৰ টেম্পু, ট্ৰেক্টৰ লৈ কংগ্ৰেছ জিন্দাবাদ ধ্বনি

বৰপেটা, সংবাদ ৩৬৫, ১২ ডিচেম্বৰ: বুধবাৰে ৰাজ্যত পঞ্চায়ত নিৰ্বাচনৰ ফলাফল ঘোষণা কৰা হয়। নিৰ্বাচনী ফলাফলক লৈ কি কংগ্ৰেছ, কি

Read More...

Mobile Sliding Menu