আজাৰা, সংবাদ ৩৬৫, ২৮ ফেব্ৰুৱাৰীঃ মহানগৰীৰ আজাৰাত সংঘটিত হৈছে এক চাঞ্চল্যকৰ ঘটনা। আজাৰাৰ মিৰ্জাপুৰত এজন যুৱকাক ব্লেডেৰে ৰেপি হত্যাৰ চেষ্টা চলাই দুজন যুৱকে। মঙলবাৰে নিশা মিৰ্জাপুৰৰ আৰিফ আলি নামৰ যুৱক এজনক ডিঙি চেপি ধৰি ব্লেডেৰে ৰেপি হত্যাৰ চেষ্টা চলাই দুজনমান যুৱকে।ব্লেডেৰে ডিঙি ৰেপি দিয়াত আৰিফ আলিক অতি সংকতজনক অৱস্থাত ততাতৈয়াকৈ জিএনআৰচি হাস্পাতালত ভৰ্তি কৰোৱা হয়। ঘটনাসন্দৰ্ভত আজাৰা আৰক্ষীয়ে আৰিফ আলিক হত্যা কৰাৰ চেষ্টা কৰা যুৱক দুজনক আটক কৰিছে। এই ঘটনাক কেন্দ্ৰ কৰি স্থানীয় ৰাইজ উত্তেজিত হৈ ৰে আৰু অভিযুক্তৰ ঘৰত আক্ৰমণ কৰি নিশা ঘৰ ভাঙি লণ্ড ভণ্ড কৰে।