গৰ্গ জ্যোতি দাস
অভয়াপুৰী
২২ মে’
অভয়াপুৰীত আৰক্ষীৰ অভিযানত জব্দ হয় ১ লাখ ৮৬ হাজাৰ ৮০০ টকাৰ জাল নোট। এজন লোকৰ ঘৰৰ পৰা আৰক্ষীয়ে জব্দ কৰে জাল নোটখিনি। ঘৰতে জাল নোট বনাইছিল লোকজনে। আৰক্ষীৰ অভিযানৰ খবৰ পাই পলায়ন কৰে লোকজন।
বঙাইগাঁও জিলাৰ অভয়াপুৰীত শুকুৰবাৰে নিশা আৰক্ষীয়ে অভিযান চলাই জাল নোট জব্দ কৰিবলৈ সক্ষম হয়। অভয়াপুৰী আৰক্ষী আৰু মেৰেৰচৰ আৰক্ষীয়ে এক গোপন খৱৰৰ ভিত্তিত টুপকাচৰৰ আবু বক্কৰ চিদ্দীকি নামৰ এজন লোকৰ ঘৰত অভিযান চলাই ১ লাখ ৮৬ হাজাৰ ৮০০ টকাৰ জাল নোট জব্দ কৰে।
আৰক্ষীৰ অভিযানৰ খবৰ পাই আবু বক্কৰ চিদ্দীকি পলায়ন কৰিবলৈ সক্ষম যদি আবু বক্কৰ চিদ্দীকিৰ পত্নীক আৰক্ষীয়ে আটক কৰি জেৰা চলাই থকা বুলি জানিব পৰা গৈছে। ইফালে জাল নোট ব্যৱসায়ৰ মূল অভিযুক্ত আবু বক্কৰ চিদ্দীকিক বিচাৰি আৰক্ষীয়ে অভিযান অব্যাহত ৰাখিছে।